Rubrica 14

¶ De iustitie namlis iudicio. Rubrica. 14

IOb histo. c. 8. "Tabernaculum impiorum non subsistet."

/ c. 11. "Oculi impiorum deficient: et refugium peribit ab eis."

/ c. 18. "Lux impii extinguetur: nec splendebit ignis eius. Artabuntur gressus virtutis impii et precipitabit eum consilium suum."

/ c. 20. "Laus impiorum breuis est: et gaudium hypocrite ad instar puncti"

¶ In genesi c. 9. "Quicumque effuderit humanum sanguinem: fundetur sanguis illius."

¶ Psalmista. 7 psalmus. "Consumetur nequitia pec catorum et diriges iustum: scrutans corda et renes deus."

/ psalmus 31. "Multa flagella peccatoris."

/ 33 psalmus. "Oculi domini super iustos: et aures eius in preces eorum. Uultus autem domini super facientes mala: vt perdat de terra memoriam eorum. Mors peccatorum pessima."

/ 36 pslamus "Noli emulari in malignantibus: neque zelaueris facientes iniquitatem. Quoniam tanquam fenum velociter arescent: et quemadmodum olera herbarum cito decident. Qui malignantur exterminabuntur. Brachia peccatorum conterentur. Iunior fui etenim senui: et non vidi iustum de relictum: nec semen suum querens panem. Iniusti punientur: et semen impiorum peribit. Iusti aut hereditabunt terram: et inhabitabunt in seculum seculi super eam. Considerat peccator iustum et querit mortificare eum: dominus autem non derelinquet eum in manibus eius. Uidi impium superexaltatum et eleuatum sicut cedros libani: et transiui: et ecce non erat: et quesiui eum et non est inuentus locus eius. Iniusti disperibunt: simul reliquie impiorum interibunt. Salus iustorum a domino: et protector eorum in tempore tribulationis: et adiuuabit eos dominus et liberabit eos: et eruet eos a peccatoribus et saluabit eos: quia sperauerunt in eo."

/ psalmus. 54 "Dominus non dabit in eternum fluctuationem iusto."

/ 83 psalmus. "Non per uabit bonis eos: qui ambulant in innocentia dominus virtutum."

/ 91 pslamus. "Dispergentur omnes qui operantur iniquitatem. Iustus vt palma florebit: vt cedrus libani multiplicabitur."

/ 111. pslamus. "In memoria eterna erit iustus."

/ 149 psalmus. "Dominus iustus concidet ceruices peccatorum."

/ 160. pslamus. "Uirum iniustum mala capient in interitu."

¶ Salomon in prouerb. c. 2. "Custodiet dominus rectorum salutem: et proteget gradientes simpliciter. Qui recti sunt habitabunt in terra: et simplices permanebunt in ea."

/ 3 ca. "Egestas a domino in domo impii: habitacula autem iustorum benedicentur."

/ 4. c. "Iustorum semita quasi lux splendens procedit et crescit vsque ad perfectum diem. Uia impiorum tenebrosa: nesciunt vbi corruant."

/ 4 ca. "Iniquitates sue capient. impium: et finibus peccatorum suorum constringetur."

/ 10. c. "Benedictio domini super caput iusti. Qui ambulat simpliciter: ambulat confidenter. Quasi tempestas transiens non erit impius. Iusti autem quasi fundamentum sempiternum. Timor domini apponet dies: et anni impiorum abbreuiabuntur. Spes impiorum peribit."

/ 11. c. "Simplicitas iustorum diriget eos: et supplantatio peruersorum vastabit illos. Iustitia simplicis diriget viam eius: et in impietate sua corruet impius. Iustitia rectorum liberabit eos: et in insidiis suis capientur iniqui. Sectator malorum preparat mortem Qui inuestigator malorum est opprimetur ab eis. Qui bonus est: hauriet a domino gratiam. Non roborabitur homo ex impietate. Propter peccata labiorum: ruina proximat malo. Non inueniet fraudulenter lucrum. In semita iustitie vita."

/ 13. c. "Iustitia custodit innocentis viam: impietas vero peccatores supplantat: Peccatores persequetur malum: et iustis retribuentur bona."

/ 14. c. "Domus impiorum delebitur: tabernacula iustorum germinabunt. Misericordia et veritas praeparant bona. Iustitia eleuat gentem: miseros facit populos peccatum."

/ 15. c. "Domum superborum demolietur dominus."

/ 16. c. "Cum placuerint domino vie hominis: Inimicos quoque eius conuertet ad pacem. Qui recta loquitur dirigetur. Contritionem praecedit superbia: et ante ruinam exaltatur spiritus."

/ 17. c. "Qui reddit mala pro bonis: non recedet malum de domo eius."

/ 22. c. "Qui seminat iniquitatem: metet mala. Qui pronus est ad minsericordiam: benedicetur. Cui iratus est dominus: incidet in foueam."

/ 24. c. "Septies cadet iustus et resurget. Impii corruunt in malum. Lucerna impiorum extinguetur."

/ 26 c. "Qui fodit foueam: incidet in eam."

/ Idem in eccl. dicit. 10. c.

/ 28 c. "Qui ambulat simpliciter: saluus erit."

/ 29. c. "Peccantem virum iniquum: inuoluet laqueus. Iu sti ruinam impiorum videbunt. Clipeus est dominus sperantibus in se."

/ Idem in eccl. c. 3. "Iustum et impium iudicabit dominus."

¶ Thobie histo. c. 4. "Multa bona habebi mus si timuerimus deum: et recesserimus ab omni peccato: et fecerimus bonum."

¶ Esaias propheta. c. 3. "Iustus fructum ad inuentionum suarum commedet. Uhe impio in malum: retributio enim manuum eius fiet ei."

/ 33 c. "Uhe qui praedaris: none et ipse praedaberis."

¶ Hieremias propha. li. prophe. c. 50. et ante pe. "Cadet superbus et corruet: et non erit qui suscitet eum"

¶ Aristoteles ethi. li. 4. c. 6. "Malum seipsum destruit."

¶ Iesus filius sirach in eccl. c. 2. "Uhe mani bus malefacientibus."

/ 6. c. "Improperium et contumeliam malus hereditabit."

/ c. 7. "Noli facere mala: et non te appraehendent."

/ 10. c. "Regnum a gente in gentem transfertur propter iniustitias et iniurias et contumelias et diuersos dolos."

/ c. 20. "Qui operatur iustitiam ipse exaltabitur."

/ 21 c. "Substantia superbi eradicabitur."

/ 27. c. "Facienti nequissimum concilium super ipsum deuoluetur et non agnoscet vnde veniat illi illusio."

/ 40. c "Substantie iniustorum sicut fluuius siccabitur."

¶ Philon in li. sapie. c. i. "In maliuolam animam non introibit sapientia: nec inhabitabit in corpore subdito peccatis."

/. c. 3. "Nationes iniqua dire sunt consumationis."

/ 7. c. "Iniustitia est mortis acquisitio."

¶ Mattheus in euang. c. 26. "Omnes qui acceperint gladium: gladio peribunt."

¶ Petrus apostolus epistola. i. c. 2. "Quis est qui vobis noceat: si boni emulatores fueritis."

¶ Paulus apostolus in epistola ad galathas. c. 6. et fi. "Que seminauerit homo: hec et metet."

/ Idem. e. ad colossenses. c. 3 et pe. "Qui iniuriam facit: recipiet id quod inique gessit."

/ Idem epistola. i. ad timotheum. c. 3. "Qui bene ministrauerint: gradum sibi bonum acquirent."

¶ Iohannes in apocalipsi. ca. 13. "Qui gladio occiderit: oportet eum in gladio occidi."

¶ Seneca tragediarum in hercule furente. c. 5. "Quod quisque fecit patitur: auctorem scelus repetit: suo praemitur exemplo nocens."

In thieste c. 3. "Sepe in magistrum scelera redierunt sua."

/ In hercule hetheo. c. 8. "Nocens videri qui petit mortem cupit."

/ Idem epistolarum ad lucil. li. 16. e. 2. "Ab alio expectes alteri quod feceri."

¶ Lex codi. ti de epali audientia. l. "nemo deinceps: Maleficus: veneficus: adulter: violatorque monete: homicida: parricida: quod fecit semper expectet."

¶ Lucanus li. 8. "Facere omnia seue: Non impune licet."

¶ Ualerius maxi. li. i. ti. de neglecta religione c. 2. "Lento gradum ad vindictam sui diuina procedit ira: Ultimo tarditatemque supplicii grauitate compensat."

¶ Cato. c. 3. "Indulget fortuna malis vt ledere possit."

/ c. 5. et fi. "Sepe etenim deus iniustas vlciscitur iras."

¶ Boetius de consolatione li. 8. c. 5. "Perspicuum est nunquam bonis premia: nunquim sua sceleribus deesse supplicia."

¶ Cassiodorus epistolarum li. i. e. 2. "Omnia siquidem bona suis sunt iuncta cum fructibus: nec credi: potest virtus que sequestratur a premio."

/ Li. 6. e. 20. "Ignorantes accipiunt qui bene agunt."

/ Li. 10. epistola. 16 "Remunerator est omnium bonorum deus."

¶ Gregorius in pastorali. c. 18. "Tanto apud deum obligatiores sumus quanto apud homines inulte peccamus."

¶ Isidorus in sinonima soliloquiorum lib. 2. "Mens male conscientie propriis agitatur stimulis."

¶ Uersificator fabularum esopi. 46 fab. "Fine malo claudi mala vita meretur iniquus. Qua capit insontes: se dolet arte capi."

¶ Baldo. 7. fabula. "Omne retorquetur quicum que dolere videtur."

¶ Heinricus samariensis li. i. parte. i. "Nam ferit auctorem sepe fagitta suum."

¶ Ganfred. in poetria. c. 9. "Lex est eque dolum: referire dolore dolosum In caput vnde fuit egressus habere regressum."

/ c. 22. "Sepe sagittantem didicit referire sagitta. Inque reum plage: conuersa recurrere plaga."

¶ Mattheus vindocinensis de hystoria tobie. c. 39. "Parcus semine pauca metes."

¶ Auctor li. de moribus medicorum: "Stare diu nequeunt qui mala semper agunt."

¶ Bellinus in speculo vite parte. i. ex. i. "Omne malum tandem punitur: et omne superbum Deprimitur virtus viuere sola solet."

/ Parti cula. 2. ex. 2. "Digne quicquid homo seminat illud habet."

¶ Prouerb. vulgar "Chi fa quel chi non de: el ge nauem quel chi non cre. De can rabioso non senple villa. El mal dura mel no regna. Ogno groppo vene al petente. Pecha vere fa noua vendetta."