Rubrica 2

¶ De pietate. Rubrica. 2.

¶ TUllius retho. artis veteris li. 2 c. 9. "Pietas est per quam sanguine coniunctis patrieque beniuolis officium et diligens tribuitur cultus."

¶ Quintilianus declam. 5. declam. "Habet pietas impetum suum: nec vllum dominum nouit affectus."

¶ Paulus in epistola ad timotheum. c. 4. "Pietas ad omnia vtilis est. Promissionem habens vite quae nunc est et future."

5. c. "Siquis suorum et maxime domesticorum curam non habet: fidem negauit: et est infideli deterior."

¶ Seneca tragediarum inthieste. c. 7 "Nulla vis maior pietate vera est."

¶ Lucanus li. 8. "Exeat aula Qui vult esse pius"

¶ Frontinus li. i. ti. 7. "Alexander maced. per deserta affrice itinera grauissima siti cum exercitum affectus oblatam sibi a milite in galea aquam spectantibus vniuersis effudit: vtiliter exemplotemperantie quasi communicare voluisset."

¶ Lex diges. ti. de curatore furioso et aliis etcaetera. l. furiose. "Pietas parentibus etsi inequalis est eorum potestas equa debebitur."

¶ Ualerius maxi. li. 5. ti. de humanitate aut clementia: "Quintus metellus celtibericum in hyspania gerens bellum cum vrbe celto bricam obsideret: et iam admota machina partem muri que sola conuelli poterat difiecturus videretur: humanitatem propinque victorie praetulit. Nam cum rethoienis filios qui ad eum transierant centobricenses machine ictibus obiecissent: ne pueri in conspectu patris crudeli genere mortis consumerentur: quamquam ipse rethoienes ne garet esse impedimento quo minus etiam per exitum sanguinis sui expugnationem perageret: ab obsidone discessit. Quo quidem tam clementi facto: et si non vnius ciuitati menia: omnium tantum celtiberarum vrbium animos cepit: effecitque vt ad redigendas eas in ditionem populi romani non multis sibi obsidionibus opus esset. / Ti. de pietate:Nulla acerbitate fortune nullis sordibus precium care pietatis vilescit: quanto etiam eo certius quo miserius experimentum habet. Quo non penetrat: aut quid non excogitat pietas. Rerum natura pietatis est magistra."

¶ Ambrosius de officis li. i. c. 31. "Beniuolentia communis quedam parens omnium est: que amicitia connectit et copulat: in consiliis fidelis: in prosperis leta: in tristibus mesta. Unusquis que beniuolentis se magis quam sapientis credit consilio."

/ 32. c. "Beniuolentia etiam morum similitudinem facit. Inter dispares mores et studia compugnantia beniuolentia esse non potest."

/ Li. 2 c. 7. "Nihil tam vtile quam diligi. Id agamus vt omni sedulitate commendemus existimationem opinionemque nostram. Ac primum placiditate mentis et animi benignitate influamus in affectum hominum: popularis enim et grata est omnibus bonitas: nihilque est quod tam facile humanis sensibus illabatur."

30. c. et fi. "Nihil charitate dulcius: nihil pace gratius"

¶ Cassiodorus epistolarum li. 12. et si. epistola. 3 "Pietas siquidem principum totum custoditimperium: et dum illis vicissitudo digna redditur in columia reipublice membra seruantur"

¶ Gualterius de castellione li. 4. "Que rara tyrannis Semper inest fregit pietas generosa rigorem"