Rubrica 3

¶ De predilectione suiipsius. Rubrica. 3

Salomon in prouerb. c. 5. "Non des alienis honorem tuum."

¶ Isaias propheta. c. 135. "Cum videris nudum operi eum: et carnem tuam ne despexeris."

¶ Iesus filius sirach in eccl. ca. 33. "Filio et mulieri: fratri et amico non des potestatem super te in vita tua. Non dederis aliis possessiones tuas: ne forte peniteat te: et depreceris pro illis. Dum adhuc superes et aspiras: non mutabit te omnis caro: melius est enim vt filii tui te rogent quam te respicere in manus filiorum tuorum"

¶ Seneca de beneficiis li. 2. "Dabo egenti: sed vt ipse non egeam. Succurram perituro: sed vt ipse non peream"

¶ Lex diges. ti. de iustitia et iure. l. iii. "Hoc iure euenit: vt quod quisque ob tutelam sui corporis fecerit iure fecisse existimetur."

¶ Marcialis cocus: li. vndique suscepto. c. 3. "Ne noceas tibi sic aliis prodesse memento."

¶ Cato. c. 2. "Dilige sic alios: vt sis tibi carus amicus."

¶ Cassiodorus epistolarum li. i. e. 14. "Tunc dexteris cogitandum est: dum se ratio proprie necessitatis expleuerit."

¶ Uersificator fabularum esopi: fa. 64. et fi. "Cuius semper eges: rem nulli tradere debes."

¶ Iacobus beneuentanus. c. 32. "Cur onus alterius: humeris imponere velles. Nature tuis: vitaque nocitura vides."

Capitulo. 55. "Dum retinem potes dominatum non dabis vlli. Te viuente: tuum nulli prebebis honorem. Sed tibi conserua carus: vt esse queas."

¶ Ricardus iudex venusinus lib. de pertractatione nup. c. 28 "Plus alios quam se quis nisi stultus amat."