Rubrica 3

¶ De doctrina et doctoribus seu magistris. Rubrica. 3

SAlomon in prouerbiis. c. 14. "Cor sapiens queret doctrinam."

/ 18 c "Auris sapientium querit doctrinam"

/ 22. c. "Inclina aurem tuam et audi verba sapientium."

/ 23. c. "In auribus insipientium ne loquaris: quia despicient doctrinam eloquii tui. Ingrediatur ad doctrinam cor tuum et aures tue ad verba scientie."

¶ Aristotelis ethicorum lib. 6. c. 2. "Docibilis omnis scientia videtur esse: et scibile discibile. Ex precognitis est omnis doctrina."

/ Idem methaphysicorum. lib. i. c. i. "Hi docent qui causas de singulis dicunt."

¶ Cronica de nugis philosophorum. c. 28 silicet de aristotelis "Aristoteles crebro solitus erat dicere: quod visus ab aere continente lumen recipit: anima vero a disciplinis vel a documentis."

/ "Idem dicebat. doctrine quidem radices esse amaras: sed fructum dulcem."

/ "Idem interrogatus quid intersit inter doctos et indoctos inquit: quantum interest inter viuos et mortuos."

/ "Idem dicebat doctrinam in prosperitatibus esse decorem: in aduersitatibus vero refugium."

¶ Iesus filius sirach. in ecclesiast. c. 6. "A iu uentute tua excipe doctrinam: et vsque ad canos inuenies sapientiam."

¶ Oratius in poetria. "Segnius irritant animos demissa per aurem: Quam que sunt oculis subiecta fidelibus."

/ "Quicquid praecipies esto breuis: vt cito data Percipiant animi dociles capiantque fideles: Omne superuacuum pleno de pectore manat."

¶ Tullius de amicitia: "Fructus ingenii et vittutis omnisque prestantie tum maximus capitur cum in proximum quemque confertur."

/ Idem tusculanarum questionum li. 2.

/ "Ut ager quamuis fertilis sine cultura fructuosus esse non potest: sic sine doctrina animus."

/ Idem retho. artis noue li. 6. et f. c. 10. "Homo indoctus quamuis sit ingeniosus ad virtutem peruenire non potest."

/ Idem de oratore. li. i. "Non ignoro et que bona sunt fieri meliora posse doctrina. Non est omnino ars vlla in qua omnia quae illa arte effici possunt a doctore tradautur."

¶ Ouidius de tristibus. li. 2. c. i. "Quoque parum notum nemo docere potest."

/ Idem methamorph. "Fas est et ab hoste doceri."

¶ Mattheus in euangel. c. 15. "Cecus si ceco ducatum prestet ambo in foueam cadunt."

¶ Seneca epistolarum ad lucillum. li. 4. c. 6. "Nunquam minus dicitur quod nunquam satis discitur."

/ Li. 5. c. 9. "Plurimum proficit sermo qui minutatim irrepit animo."

/ Idem de tranquillitate animi "Male respondent coacta ingenia."

/ Idem de consolatione ad elbiam: "Altius praecepta descendunt que teneris impermuntur animis."

/ Iem in prouerbiis. "Homines dum docent discunt."

¶ Iuuenalis. li. 3 satyra. "Penituit multos vane sterilisque cathedre."

¶ Lex cod. li. 10. t. de professoribus et medicis. l. magistros: "Magistros studiorum doctoresque: excellere oportet moribus primum: deinde facundia. Quisquis docere vult non repente nec temere profiliat ad hoc munus: sed iudicio ordinis probatur decretum curialium mercatur optimorum conspirante consensu."

/ Lex institur. t. de gradibus. §. fi. "Ueritas magis oculata fide quam per aures animis hominum infigitur."

¶ Marcialis cocus li. vndique suscepto. c. 3. "Ante docere cupis quam discere portio vana. Et affectas regere ne scius ipse regi. Quam male confundit ratio praepostera mores."

¶ Uegecius. de re militari. lib. i. t. 8. "Quem inuenias qui possit docere quod ipse non didicit."

¶ Ualerius Maxmius. 5. c. de pietate: "Doctrina proficit vt politiora: non vt meliora fiant ingenia: quoniam solida virtus nascitur magis quam fingatur."

¶ Auctor li. de for. honeste vite. c. 4. "Docentium esto tacitus auditor."

/ "Que nosti sine arrogantia postulanti impericies."

¶ Macrobius de somno Scipionis: "In re naturaliter obscura qui in exponendo plura quam necesse est superfundit addit tenebras."

/ Idem saturnaliorum. l. i. in prohemio: "Superfluum video inter sapientes nota proferre."

¶ Boetius de consolatione: libro. 3. c. 22. "Heret profecto semen introrsum veri quod excitatur ventilante doctrina."

/ Idem de disciplina scholarium. li. 3. "Arrogantis magistri sedulitas fideliter vnquam instruxit neminem"

¶ Cassiodorus epistolarum li. i. c. 39. "Focos ipsos apprehendere virgultis teneris inchoamus. Ceterum si robora primis scintillis adhibeas: igniculum opprimis quam fouere contendis Sic animi hominum nisi prius leuitate fuerint imbuti ad hoc quodintendunt idonei nequeunt reperiri."

/ Li. 1 c. 40. "Semper gratum est de doctrina colloqui cum peritis."

/ Lib. 3. c. 11. "Fugiat doctrina delictum."

/ "Indocilis est animi ad vitia trahi."

/ Li. 4. c. 28. "Dignus est inter alios sequenda decernere qui sibi modum visus est legittime conuersationis imponere."

/ Li. 6. c. 6. "Reuerendum honorem sumit quisquis magistri nomen accepit: quia hoc vocabulum semper de peritia venit."

¶ Li. 8. c. 12. "Sicut pernitiosum est doctos praua suadere: sic salutare minus est cum veritatis terminos disertitudo nescit excedere."

¶ Gregorius in pastorali. c. i. "Sunt plerique qui dum metiri se nesciunt que non didicerint: docere concupiscunt: qui pondus magisterii tanto leuius existimant quanto vim magnitudinis illius ignorant."

/ 2. c. "Nulla ars doceri presumatur nisi in certa prius meditatione discatur."

¶ Isydorus in synon. solilloquiorum. lib. 2. c. 41. "Excellentior sit natura doctrina."

¶ Auctor. Rudium doctrine: libro primo. "Quisquis vicem domini retinet de iure magister: Dignus honoris ob hoc quisque ma gister erit."

/ Li. 2 "Indociles feritas immoderata facit."

¶ Mattheus vindocinen. in poetria: partur. 2. c. 2. "Omne bonum in commune deductum clarius elucescit. Lumcerna nihil prodest abscondita."

/ c. 9. "Usus facit magistram."

¶ Gaufridus in poetria. c. 52. "Cum doceas artes sit sermo domesticus arti. Quelibet ars gaudet propriis sed sint sua verba Limitibus contenta suis: cum veneris extra. In commune forum placeat communibus vti."

¶ Auctor. li. qui incipit astrolabi: "Disce diu firma tibi tardaque: atque ad scribendum ne cito prosilias doceto. Nolo repentina tua sit doctrina magistri: Dictis doctorum: factis intende bonorum."