Rubrica 5

¶ De increpatione et reprehensione. Rubrica. 5.

SAlomon in prouerb. c. 12. "Qui odit increpationes insipiens est."

/ 15. c. "Qui acquiescit increpationibus possessor est cordis."

/ Idem in ecclefiast. c. 7. "Melius est a sapiente corripi quam astuta adulatione decipi."

¶ Terentius in andria. c. 3. "Obsequium amicos: veritas odium parit."

¶ Tullius de oratore li. i. in fi. "Malo non intelligi orationem meam quam reprehendi."

/ Li. 2 "Homines imperiti facilius quod stulte dixeris reprehendere: quam quod sapienter tulleris laudare possunt."

¶ Mattheus in euangel. c. 7. "Quid vides festucam in oculo fratris. tui: et trabem in oculo tuo non vides. Aut quomodo dicis fratri tuo: frater: sine eiiciam festucam de oculo tuo: ecce trabes in oculo tuo est. Hypocrita eiice prius trabem de oculo tuo: et tunc videbis eiicere festucam de oculo fratris tui."

/ Idem dicit lucas in euang. c. 6.

¶ Paulus apostolus epistola. i. ad timotheum. c. 5. "Seniorem ne increpaueris: sed obsecra vt patrem."

¶ Seneca in prouerbiis: "Crudelis est in re aduersa obiurgatio. Obiurgationi semper aliquid blanditie admisce."

¶ Ualerius maximus vel. 3 ti. de fiducia sui. "Euripides quidem atthenisarrogans visus non est: cum postulante populo vt ex tragedia sententiam quandam tolleret progressus in senatum dixit: se vt populum doceret non vt ab eo discederet fabulas componere sollennes."

/ Li. 4. ti. de verecundia: "Athenis quidam vltime senectutis cum spectatum ludos in theatrum venisset cunque nemo ex cuilibet sessum reciperet ad lacedemoniorum legatos peruenit: qui homines etate modica canos eius in annos assurgendi officio venerati sunt: sedemque ei inter ipsos honoratissimo loco dederunt: quod vbi fieri populus aspexit maximo plausu aliene vrbis verecundiam comprobabat. Fertur tunc vnum ex lacedemoniis dixisse erga athenienses quid sit rectum sciunt: sed id facere negligunt."

¶ Marcialis cocus vel vndique suscepto. c. 3. "Cur maculas alios maculosior omnibus albi: Et carpi dignus carpere non metuis."

/ Captlo. 5. "Fratris verrucas mordaci dente refringis. Ulcera dissimulans que tibi in ore sedent. Ad fratris culpam aquile tu lumina portas. Ad tua cum scelera nulla vel orba feras."

/ Capitulo. 6. "Alterius censor: censor et esto tuus."

¶ Auctor l de for. honeste vite. c. 4. "Reprehenderis patienter. Si merito te obiurgauerit aliquis scito quod profuit. si immerito scito quod prodesse voluit. Non esto acerbus reprehensor."

¶ Cato capitulo. 2. "Que culpare soles ea tu ne feceris ipse. Turpe est edoceri cum culpa redarguit ipsum."

¶ Montenarius in luna cleri. c. 128. et p. "Diligitur tector scelerum reprehensor oditur."