Rubrica 8

¶ De etate acceptabili discipline. Rubrica. 8.

SAlomon in prouerbiis. e. 22. "Adolelescens iuxta viami suam etiam cum senuerit non recedet."

¶ Iesus filius sirach. in ecclesiast. c. 6. "A iuuentute tua excipe doctrinam: et vsque ad canos inuenies sapientiam."

¶ Oratius in epistolis lib. i. c. 2. "Nunc adhibe puro Pectore verba puer: nunc te melioribus offer. Quo semel est imbuta recens seruabit odorem Testa diu."

¶ Seneca epistolarum ad lucillum. lib. 10. c. 3. "Quid stultius quam que diu non didiceris non discere. Tandium discendum est quandiu nescias. Si prouerbio credimus quandiu viuas."

/ Idem de consolatione ad helbiam matrem. "Altius precepta descendunt que teneris imprimunt annis."

¶ Ualerius maximus. li. 4. ti. de studio et industria: "Cato sextum et octogessimum annum agens grecis litteris erudiri concupiuit. Quam sero inde estimemus: quod etiam latinas pene iam senex didicit. Socratem constat etate prouectum fidibus tractandis operam dare cepisse. Satius iudicantem eius artis vsum sero quam numquam percipere."

¶ Lex digest. titu. de fideicommis. liber. l. apud iulianum: "Iulianus dixisse fertur: etsi alterum pedem in sepulchro haberem discere quid vellem."

¶ Uegecius de re militari. li. i. ti. 8. "Non tantum celerius: sed perfectius imbuuntur que discuntur a pueris."

¶ Cassiodorus epistolarum lib. 3. c. 11. "In teneris annis acquiritur quod matura etate seruatur."

¶ Iacobus beneuentanus. c. 49. "Discere fac artem puerili tempore natos: Tunc valet ingenium discere cuncta bene: Nam postquam mollis etas pertransit: ineptum Redditur et durum quodlibet ingenium."

¶ Prouerb. metricum. extraord. l. vag. "Quod noua testa capit inueterata sapit. Qui non assuescit virtuti dum iuuenescit A viciis nescit discedere quando senescit. Disce puer dum tempus habes dum sufficit etas Tempora labuntur more fluentis aque."

¶ Prouerb. vulga. "A caual vcio no ensegnare amblare."