Rubrica 8

¶ De qualitate verborum obseruanda eloquenti. Rubrica. 8.

SAlomon in prouerbiis. c. 17. "Non decent stultum verba composita."

¶ Aristotelis retho. li. 3. et fi. c. 3. "Di sueta loqui facit videri venerabiliorem. Euidentiam et delectationem et extraneitatem habet maxime methaphora."

/ 8. c. "Decentiam habebit locutio: si sit passionis illatiua secundum aliquid et moralis et rebus subiectis proportionalis locutio est: si neque de ingentibus dicatur: neque de leuibus venerabiliter: neque su per vilia nomina dicatur ornatus."

/ Idem ethicorum: li. 2. c. 2. "Sermones secundum materiam sunt exponendi."

¶ Oratius in poetria. "Primo ne medium: medio ne discrepet vnum. Detulit precium qui miscuit vtile dulci. Lectorem delectando pariterque monendo. Indoctum doctumque fugat recitator acerbus"

¶ Tullius de oratore: li. i. "Hoc est proprium oratoris oratio grauis et ornata: et hominum sensibus ac mentibus accommodata."

/ Li. 2 "Paruis in rebus adhibende non sunt dicendi faces. Plus proficit si ponetur spes vtilitatis future quam preteriti beneficii commemoratio. Natura fingit homines et creat imitatores faceciarum: adiuuante et vultum et voce et ipso genere sermonis. Utrumque assentior et multum facecias in dicendo prodesse: sepe et eas arte nullo modo tradi posse. Hylaritas tibi beniuolentiam conciliat ei per quem excitata est. Hylaritas tristitiam ac seueritatem mitigat ac relaxat: odiosasque res sepequas argumentis dillui non facile est ioco risuque dissolui. Erit perspicua oratio: si verbis vsitatis si ordine tempore conseruato: si non interrupte narrabitur."

/ Lib. 3. et fi. "Persepe mihi admirandum videtur quidi sit quod omnes translatis et alienis magis delectantur verbis quam propriis et suis."

/ Idem retho. arti noue: li. 5. c. 36. "Noui verbi assiduitas odium parit."

¶ Seneca epistolarum ad lucillum: lib. 5. c. 10. et fi. "Que veritati operam dat oratio in composita debet esse et simplex."

/ Lib. 6. e. 6. "Aperta decent et simplicia veritatem."

¶ Paladius de agricultura. c. i. quod est prohe mium. "Pars prima prudentie est eam cui precepturus es expectare personam: nec enim informator agricole debet artibus et eloquentia rethores emulari."

¶ Lex cod. ti. si vtise. ab hereditate abstineant. l. i. "Fides verborum veritatis adminicula non desiderat."

¶ Cassiodorus epistolarum: lib. 5. e. 4. "Nimis rarum est solide loqui: et cum multa dicere suppetunt titubantia non proferre."

¶ Mattheus vintoniensis in poetria partur. 2. c. 2. "In adiectiuis nominibus et verbis inuenitur ornatus verborum frequentior."

¶ Heinricus samariensis: lib. 2. "Nec minus astutis vulpescat lingua loquelis Nam dubia pariunt vulpida verba fidem."

¶ Gaufridus in poetria. c. 52. "Cum doceas artes sit sermo domesticus arti. Quelibet ars gaudet propriis: sed sint sua verba Limitibus contenta suis: cum veneris extra In commune forum: placeat communibus vti."