Rubrica 1

TErtius liber tractat de potentia et honoribus et contrariis et pertinentibus ad hec sub his titulis.

¶ De potentioribus et impotentioribus. Rubrica. i.

SAlomon in prouerbiis c. 19. "Multi colunt personam potentis."

¶ Aristoteles pollyticorum: li. 6. c. 2 "Semperquerunt quod iustum et quod equale est. qui minores sunt: praeeminentes autem nihil curant."

¶ Iesus filius sirach. in ecclesiast. c. 4. "Noli resistere contra faciem potentis: nec coner contra ictum fluuii."

/ 8. c. "Non litiges cum homine potente ne forte incidas in manibus eius. Noli fenerari homini fortiori te. Quod si feneraueris quasi perditum habe."

/ 13. c. "Aduocatus a potentiore discede. ex hoc enim magis te aduocabit."

¶ Terentius in hecyra. c. "Omnibus nobis vt res dant sese ita magni aut humiles sumus."

/ In phormione. c. 3. "Quam inique conparatus est: hi qui minus habent vt semper ali quid addant diuitioribus."

¶ Salustius in iugurtino. "In omni certamine qui opulentior est etiam si accipit iniuriam: tamen quia plus potest facere videtur."

¶ Ouidius fine titulo seu amorum: li. 2. c. 16 "Aptari magnis inferiora licet."

¶ Seneca tragediarum in medea. c. 6. "Nemo potentes aggredi tutus potest."

/ Idem epistolarum ad lucillum: libro. 2. e. 5. "Sapiens nunquam potentum iram prouocabit: immo et declinabit iram aliter quam in nauigando procellam."

¶ Iuuenalis: li. 3. saty. 2. "Omne animi vicium tanto conspectaris in se. Crimen habet quanto maior qui peccat habetur."

¶ Lex dig. t. de alienatione iuditii et caetera. l. iii. in prin. "Potentiori pares esse non possumus."

¶ Marcialis cocus l. vndique suscepto. c. 2. "Quem leo non tetigit dum mordet aranea ledit Cole non tantum grandia: parua caue."

¶ Macrobius satumaliorum: lib. 2. c. 18 exautior liberii: "Potestas non solum si inuitet: sed etsi supplicet cogit."

¶ Cato. c. i. Maiori cede: "Minorem ne contempseris: Nil arbitrio virium feceris. Miserum noli irridere."

/ Capitulo. 2. "Uincere cum possis interdum cede sodali. Obsequio quoniam dulces retinentur amici. Que superare potes interdum vince ferendo."

/ Capitulo 3 " Ccorporisexigui vires contempnere noli. Consilio pollet cui vim natura negauit."

/ Capitulo. 5. et fina. "Dimissos animos et tacitos vitare memento. Quod flumen est placidum forsan latet altius vnda Cede locum lesus fortune cede potenti. Ledere qui potuit poterit aliquoniam prodesse."

¶ Boetius de consolatione: libro. 3 c. 10. "Qui se volet esse potentem: Animos domet ille feroces. Nec victa libidine colla Fedis submittat habenis."

/ Capitulo. 15. "Potentiam desideras subiectorum insidiis obnoxius periculis subiacebis."

¶ Cassiodorus: epistolarum: lib. i. e. 21. "Si dominus vincat oppressionis inuidia est: equitas vero creditur si supplicem superare contingat."

/ 44. e. et penult. "Plerumque res parue plus preualent prestare: quam magne possunt obtinere diuitie."

¶ Isydorus in synonima solliloquiorum: li. 2 "Superiori equalem te ne exhibeas."

¶ Uersificator fabularum esopi. fa. 13. "Non sit qui studeat: quia maior obesse minorit Cum bene maiori possit obesse minor."

/ Fabula. 18. "Summum vincere parua pudet. Si vincat minimum summus: sic vincere vici est. Tu qui summa potes ne despice parua potentem. Nam prodesse potest si quis obesse nequit."

/ Fabula. 41. "Cum maiore minor conferri desinat et se Consulat: et vires temperet ille suas."

/ Fabula. 52. "Maiori timeat obuius ire minor."

¶ Iohannes solobriensis anglicus in polycratone: li. 4. "Dionydes pirata ab alexandro rege apprehensus: interrogatusque quid ei videretur: quod mare haberet infestum: liber contumacia quid tibi inquit tu orbem terrarum. Sed quia id ego vno nauigio facio latro vocor: quia tu magna classe diceris imperator. Si solus captus sit alexander latro erit si ad nutum dionydi famulentur populi: erit dionydes imperator."

¶ Auctor l. qui incipit astrolabi. "Ira potentis erit quasi fulgoris ictus habenda. Sicut hic est sic est illa cauenda tibi."

¶ Prouerb. metricu. extraord l. vag. "Est orare ducum spens violenta iubendi Et quasi nudato supplicat ense potens."

¶ Tullius in thymeum platonis: siue de essentina mundi: "Non esset rectum minori parere maiorem."