Rubrica 10

¶ De famulis et domesticis. Rubrica. 10

SAlomon in prouerbiis. capitulo. 15 "Conturbat domum suam qui sectatur auaritiam."

¶ Isocrates in exhortationibus. capitulo 2. "Esto adherentibus tractabilis non sublimis: nam despicientium tumorem vix equidem tolerabunt serui: modum vero tractabilium cuncti ferunt alacriter."

¶ Iesus filius sirach in ecclesiastico. capitulo 8. "Noli esse sicut leo in domo tua euntes domesticos tuos et opprime subiectos tibi."

¶ Seneca epistolarum ad lucillum: libro 18. epistola 5. "Timeri tam domi quam foris molestum est: tam a seruis quam a liberis."

/ Idem de breuitate vite: "Eorum miserrima est conditio: qui nec suis quidem laborant occupationibus: ad alienum dormiunt sonum: ad alieuum ambulant gradum: ad alienum comedunt appetitum."

¶ Boetius de consolatione: libro 3. capitulo 9. "Que pestis est efficacior ad nocendum quam familiaris inimicus."

¶ Bertrandus Yconomica. capitulo 15. "Famulum alti cordis repelle: vt futurum inimicum. Famulum tuis moribus blandientem repelle. Famulum de facili se verecundantem dilige vt filium."