Rubrica 16

¶ De reuerentia et honorificatione. Rubrica. 16

IN leuitico. capitulo 19. "Coram cano capite consurge et honora personam senis."

¶ Cronica de nugis philosophorum. capitulo 4 scilicet de chilone. "Chilo lacedemonius qui fuit vnus de septem sapientibus iubebat senium honorare."

¶ Aristoteles rethoricorum libro i. capitulo 5. "Irreuerentia est paruipensio et despectus. quos enim multum despicimus non reueremur."

/ Libro 2. captiulo 17. "Reuerentiores facit dignitas. Reuerentia est mollis et decens grauitas."

/ Libro 3. et finali. capitulo 16. "Oportet bonos honorari."

/ Idem pollyticorum: libro. capitulo 7. "Rationabiliter preparantur honori nobiles et diuites."

¶ Iesus filius sirach: in ecclesiastico capitulo 11. "In medio seniorum ne adiicias loqui."

/ 32. capitulo. "Loquere maior natu decet enim te. Adolescens loquere in tua causa vix. Ubi sunt senes non multum loquaris."

/ 37. c. "Honora medicum propter necessitatem."

¶ Tullius rethoricorum artis veteris: libro 2. captiulo 9. "Obseruantia est per quam homines aliqua dignitate antecedentes cultu: quodam et honore dignantur."

¶ Petrus apostolus epistola: "Omnes honorate. Regem honorificate."

¶ Paulus apostolus: epistola. i. ad timotheum. capitulo 5. "Seniorem ne increpaueris: sed obsecra vt patrem."

¶ Lex digestorum titulo de obsequiis a liberis et libertis et caetera. libro antepenult: "Liberto et filio semper honesta et sancta persona patris ac patroni videri debet."

/ Titulo de iure immunitatis. libro semper. in principio. "Iabolenus iurisconsultus ciuis romanus ait semper in ciuitate nostra senectus venerabilis fuit: nam que maiores nostri pene eundem honorem senibus quam magistrantibus tribuebant."

¶ Ualerius maximus: libro 2. titulo de institutis antiquis: "Senatui iuuentus ita cumulatum et circumspectum honorem reddebat tanquam maiores natum adolescentium communes patres essent. Quo circa inuuenes ea die qua consilium celebrabat senatus conueniebant: vt aliquem ex patribus conscriptis: aut propinquum: aut paternum amicum ad curiam reducerent: affixique valuis expectabant donec reducendi etiam officio fungerentur. Qua quidem voluntaria statione et corpora et animos ad publica officia impigre substinenda roborabant: breuique processu morarum in luce virtutum suarum verecunda laboris meditatione ipsi doctores erant."

¶ Boetius de consolatione: libro 3. capitulo 7. "Non possumus ob honores reuerentia dignos iudicare quos ipsis honoribus iudicamus indignos."

¶ Isydorus in synonima solliloquiorum: libro 2. "Superiori equalem te non exhibeas."

¶ Auctor libelli qui dicitur facetus. capitulo 4. "Inter maiores caueat ne multa loquatur."