Rubrica 17

¶ De obsequio et resistentia. Rubrica. 17

TErentius in andria capitulo 3 "Hoc tempore obsequium amicos veritas odium parit."

¶ Ouidius de arte amandi: libro 2. "Flectitur obsequio curuatus ab arbore ramus. Franges: si vires experiare tuas. Obsequio transnantur aque: nec vincere possis Flumina si contra qua rapit vnda nates Obscquiumtigresque domat tumidosque leones"

/ Idem de remedio amoris: libro i. "Dum furor in cursum est currenti cede furori Difficiles aditus impetus omnis habet Stultus ab obliquo qui cum descendere possis Pugnat in aduersas ire natator aquas."

¶ Seneca in prouerbiis: "Bonus animus numquam erranti obsequium accommodat."

¶ Ualerius maximus: libro 7. titulo sapienter dicta aut facta: "Aristoteles calistenem auditorem suum ad alexandrum mittens monuit cum eo: aut nunquam: aut quam iocundissime loqueretur quo scilicet apud regias aures vel silentior tutior: vel sermone esset acceptior. At illis dum alexandrum macedone gaudente in persica salutatione obiurgat et ad macedonicos mores inuitum reuocare beniuole perseuerabat spiritu carere iussus: seram neglecti salubris consilii penitentiam egit."

¶ Cecilius firmianus de beaea vita: libro 7. et finali. "Mores ac vicia regis imitari genus obsequii est."

¶ Prosper sub. 34. epigramma. "Equum est seruire regibus et ducibus."

¶ Cato capitulo. 2. "Uincere cum possis interdum cede sodali. Obsequio quoniam dulces retinentur amici."

¶ Cassiodorus de amincitia. capitulo 24 "Illud obsequium damnabile est quod amicum indulgentiorem viciis facit."

/ Idem epistolarum: libro 3. epistola 34. "Libentibus animis obedite: vt fides vestra que iam prioribus monstratur exemplis: subsequentibus quoque declaretur inditiis. Gratius est obsequium quod deuotione perpeti custoditur."

¶ Isydorus in synonima solliloquiorum: libro 2. capitulo 44. "Defer obsequia nil iuxta mores. Facientem et obsequentem par pena constringit."

¶ Mattheus vindocinensis de hystoria tobie. capitulo 31. "Obsequio refouetur amor."