Rubrica 2

¶ De delectatione variationis vel rerum et tedio continuationis. Rubrica 2.

ISocrates in exhortationibus. capitulo 2. "Sacietas omnium mala."

¶ Aristoteles ethicorum: libro 7. capitulo 15. et finali. "Transmutatio omnium dulcissimum secundum poetam propter malitiam quandam. Quemadmodum enim homo facile transmutabilis malus et natura que indiget transmutatione."

/ Idem rethoricorum libro i. capitulo 20. "Transmutare delectabile est: in natura enim fieri transmutare quod enim idem semper excessum facit constituti habitus. vnde dictum est. transmutatio omnium dulce. propter hoc enim et quead tempus delectabilia sunt."

¶ Plinius de naturali hystoria libro 12. capitulo 19. "Nulla est voluptas que non assiduitati sui fastidium pariat."

¶ Iuuenalis: libro 4. satyra 2. "Uoluptates commendat rarior vsus."

¶ Cassiodorus epistolarum: libro 3. epistola 21. "Humane consuetudinis mos est vt variata plus capiant: et quamuis in vsum habeantur eximia fastidium prestet omne quod saciat."

/ Libro 7. epistola 36 "In continuatione rerum magnum mentis constat esse fastidium. Dulcedo mellis si assidue sumatur horrescit. Serena ipsa quamuis magno opere desiderentur iugiter adepta sordescunt non immerito: quia cum sit homo commutabilis: nature sue desiderat qualitates."

/ Libro 9. capitulo 22. "Copia plerumque solet habere fastidium."

¶ Mattheus vindocinensis in poetria partis 2 capitulo 3. "Uarietas tollit fastidium"

¶ Gaufridus in poetria. capitulo 49. "Plus mellis habet variata voluptas."