Rubrica 11

¶ De concupiscentia voluptatum. Rubrica 11.

ARistoteles Rethoricorum libro i. capitulo i. "Concupiscentia est delectabilis appetitus."

/ Libro 2. capitulo 26. "Iuuenes sunt concupiscitiuiet quales facere quecuqueconcupiscunt. Iuuenes sunt cito saturabiles ad concupiscentias et vehementer quidem concupiscunt: celeriter autem desinunt."

/ Idem polyticorum: libro 2. capitulo 4 "Infinita est natura concupiscentie ad cuius repletionem multi viuunt."

/ Idem ethicorum libro 3. epistola 11. et finali. "Quemadmodum puerum oportet secundum preceptum pedagogi viuere: sic et concupiscibile consonare rationi."

/ libro 7. capitulo 10. "Non hominis qui propter delectationem aliquid operatur est intemptatus siue prauus siue incontinens: sed qui propter turpem."

/ Idem topirum: libro 3. "Magis iuuenes quam senes a concupiscentiis molestantur."

/ Idem elenco libro i. "Concupiscentia est appetitus delectationis."

¶ Terentius in heautontumerumenon. capitulo 4. "Animus vbi semel se cupiditate deuixerit mala: necesse est consilia consequi consimilia."

¶ Salustius in iugurtino: "Natura mortalium praeceps est ad explendam animi cupiditatem. Animo cupienti nihil satis festinatur."

¶ Tullius rethoricorum artis veteris libro i. in prohemio: "Ceca ac temeraria est dominatrix animi cupiditas."

/ 11. capitulo. "Genus est nimirum omnium libidinum cupiditas"

/ Idem rethoricorum artis noue. libro 2. capitulo 6. "Stultitia parit immensas cupiditates."

/ Idem de fine bonorum et malorum: libro i. "Cupiditates sunt insaciabiles. Ex cupiditatibus odia desidia discordie seditiones bella nascuntur. Inanium cupiditatum nec modus vllus nec finis inueniri potest."

/ Idem tusculanarum questionum libro 3. "Animus eger vt ait ennius semper errat: neque pati neque perpeti potest: cupere nunquam desinit."

/ libro 5. et finali. "Stultitia etsi adepta est quod concupiuit: numquam tamen se satis consecutam putat."

¶ Ouidius de ponto libro 4. et finali. epistola 15. et penultimo. "Res immoderata cupido est."

¶ Quintillianus declamationum. 13 declama: "Non fouet non nutrit ardorem concupiscendi vbi frui licet."

¶ Seneca epistolarum ad lucillum. libro 3. capitulo i. "Nos ceca cupiditas nocitura certe nunquam sanatura precipitat."

/ 5. epistola. "Altera cupiditas ex fine alterius nascitur."

/ libro 19. epistola 4. "Nemo est cuifelicitas sua etiam si cursu eueniat satifaciat."

/ Idem de clementia: "Facit quidem nimis auidos nimia felicitas: neque tam temperate sunt cupiditates vnquam vt in ea quod contingit desinant."

/ Idem de breuitate vite "Precipitat quisque vitam suam: et futuri desiderio laborat praesentium tedio. Maximum viuendi impedimentum expectatio que pendet ex crastino."

¶ Ualerius maximus: libro 7. titulo 2. in fine. "Turpiter aliquid concupiscere et in eo perseueranter morari exitio ea dulcedo est."

¶ Ambrosius de officiis: libro i. capitulo 19. "Quam multos etiam fortes illecebra decepit."

¶ Boetius de consolatione libro 2. capitulo 4. "Quesita vorans seua rapacitas alios pandit hyatus."

¶ Hugo de sancto victore compendii philosophie. libro i. capitulo 2. "Concupiscentia est immoderatus appetitus sensualitatis: excedens modum rationis."