Rubrica 4

¶ De prouidentia contrahendi vel non contrahendi matrimonium. Rubrica. 4

CRonica de nugis philosophorum. c. 7 scilicet de cleobolo. "Cleobolus vnus de septem sapiententibus ait vxorem ducendam ex paribus. Nam si ex maioribus ceperis: inquit duos habebit cognatos."

¶ Aristoteles hyconomicorum libro 3. et finali. "Oportet nihil omittere curantem ad virtutem vxoris seipsum: vt iuxta posse ex optimis prolem posset procreare."

¶ Iesus filius sirach in ecclesiastico capitulo 7. "Trade filiam: et grande opus feceris et homini sensato da illam."

¶ Ouidius: epistolarum. epistola 9. "Quam male inequiles veniunt ad aratra iuuenci. Tam premitur magno coniuge nupta minor. Si qua voles apte nube pari."

/ Idem de fastis libro 3. "Nubere si qua voles quamuis propabitis ambo Differ. habent parue commoda magna more."

/ Libro. 5. "Mense malum maio nubere vulgus ait."

¶ Seneca de remediis fortuitorum. capitulo 21. et finali. "Inuenies si nihil queris nisi bonam vxorem."

¶ Cato. capitulo. 4. "Uxorem fuge ne ducas sub nomine dotis. Nec retinere velis si ceperit esse molesta."

¶ Bertrandus hyconomica capitulo 27. et finali. "Mater remaritari querit: stulte agit. Sed vt peccata sua deploret: vtinam ipsa senex accipiat iuuenem: nam non ipsam: sed sua quesiuit: quibus habitis bibet cum eo doloris calicem:quem optauit."

¶ Iacobus beneuentanus. capitulo 46. "Nolo quod vxorem ducas cui non dominari aut quam non possis tibi bene corrigere."

¶ Auctor libro qui incipit astrolabi: "Quo fuit. asperior que postea nupsit amanti. Tanto gratior est ipsa futura viro."