Rubrica 2

¶ De patientia et impatientia. Rubrica. 2

SAlomon in prouerbiis capitulo 14. "Impatiens operabitur stultitiam. Qui patiens est multa gubernatur prudentia. Qui autem impatiens est exaltat stultitiam suam."

/ 16. capitulo. "Melior est patiens viro forti: et qui dominatur animo suo expugnator est vrbium"

/ 19. capitulo. "Qui patiens est sustinebit damnum."

/ 25. capitulo. "Patientia linietur princeps."

/ Idem in ecclesiaste capitulo 7. "Melior est patiens arrogante."

¶ Cronica de nugis philosophorum. capitulo 2. scilicet de thalete. "Thales miliseus: qui primus sapiens nominatus est secundum quem et septem sapientes vocati sunt interrogatus qualiter quis infortunium facile feret: ait si inimicos peiora pati videat."

/ 6. capitulo scilicet de biante. "Bias primesis dictus vnus de septem sapientibus dicebat fortunatum esse non patientem infortunia."

¶ Aristoteles polyticorum libro 8. et finali. capitulo 2. "Iuuenes propter etatem indelectabile nihil sufferunt volentes."

¶ Uirgilius eneide. libro 5. prope finem. "Superanda omnis fortuna ferendo est."

¶ Tullius rethoricorum artis veteris. libro 2. capitulo 9. "Patientia est honestatis: aut vlitatis causa rerum arduarum ac difficilium voluntaria ac diurna perpensio."

¶ Ouidius epistolarum. 5. epistola. "Leniter ex merito quicquid patiare ferendum est. Que venit indigne pena dolenda venit."

/ Idem sine titulo. libro i. capitulo i. "Leue fit quod bene fertur onus."

/ Libro 2. capitulo 3. "Heu quam quod cupies ponere: ferre graue est."

¶ Quintilianus declamationum. 10 declamatione. "Leuat omnes cruciatus omnem dolorem praeparata mentem composuisse patientia. Nulla pena est nisi inuito. non habemus vllum nisi ab impatientia dolorem."

/ 11. declamatione. "Leuior est dolor qui disponit."

¶ Paulus apostolus: in epistola ad romanos. capitulo 5. "Tribulatio patientiam operatur: patientia autem probationem."

¶ Seneca tragediarum. in troade capitulo 4. "Quo plura possis plura patienter feras."

/ In medea. capitulo 4. "Equum atque iniquum regis imperium feras."

/ Idem epistolarum ad lucillum. libro 2. epistola 6. et finali. "Multum addit sibi virtus lacessita."

/ Idem de prouidentia. "Marcet sine aduersario virtus: tunc apperet quanta sit quantumcumque polleat cum quid possit patientia ostendit."

/ Idem de consolatione ad paulinum: "Non ferre mala sua non est viri."

/ Idem in prouerbiis: et macrobius saturnaliorum. libro 2. capitulo 18. exautior publii. "Feras non culpes quod mutari non potest. Furor fit lesa sepius patientia."

¶ Lucanus libro 9. "Gaudet patientia duris."

¶ Cecilius firmianus de beatam vita. libro 3. "Patientia est malorum que aut inferuntur: aut accidunt cum equanimitate perlatio."

¶ Prudentius de psicomachia. capitulo 4. "Omnibus vna comes virtutibus associatur: Auxiliumque suum fortis patientia miscet. Nulla anceps lucramen init virtute sine ista Uirtus: nam vidua est quam non patientia firmat."

¶ Cato. capitulo 2. "Maxima etenim morum. semper patientia virtus."

/ Capitulo. 4. "Quod merito pateris patienter ferre memento. Cumque reus tibi sis ipsum te iudice damna."

/ Capitulo. 5. "Cede locum lesus: fortune cede potenti. Ledere qui potuit: poterit aliquando prodesse."

¶ Boetius de consolatione. libro 2. capitulo i. "Equo animo vt toleres oportet: quicquid intra fortune aream geritur. In patientia sortem exacerbabis quam mutare non possis."

/ 7. capitulo. "Quis ille tam felix qui cum dederit impatientie manus statum suum mutare non oportet."

¶ Cassiodorus epistolarum libro 10. epistola 11. "Sustinendo potius quam vindicando laudaberis."

¶ Gregorius in pastorali. capitulo 34. "Tanto minus quisque ostenditur doctus quanto minus conuincitur patiens."

/ 52. capitulo. "Quisque non tam que ab altero tollerat quam que ab ipso tolerantur attendat. si enim sua que portantur considerat: ea que ab altero sustinet leuius portat."

¶ Isydorus solliloquiorum: libro 2. capitulo 4. "Omnia aduersa equo animo porta. Dum tibi aliena pericula memoras: mitius tua portas. aliorum enim exempla dolorem releuant. Alienis malis facilius consolatur homo. Ab vno ferendum est: quod multis accidit tolerabile. Qui aduersa patientur tolerat: deum sibi citius placat."

/ 17. capitulo. "Patienter leuiora portabis:: bgrauiora fueris recordatus."

¶ Bernardus de improbatione vitiorum. capitulo 4. "Nobilis exuperat duras patientia linguas Nullius aduersi patiens furore mouetur. Et expectata ferunt valiturum semina fructum Et sua vir patiens vota videbit ouans."

¶ Mattheus vindocinensis in poetria parte i. "Patientia conseruatiua est virtutis."

¶ Ricardus iudex venusinus libro de pertractatione nuptiarum capitulo 40. "Quam patimur iuste non ita pena riget."