SAlomon in prouerbiis
capitulo 13. "Spes quae
Idiffertur affligat animam."
/ 27. capitulo. "Ne
glorieris in crastinum: ignorans quid
superuentura pariat dies."
¶ Regum libro 2. capitulo 2. "An ignoras quod
periculosa sit desperatio."
¶ Aristoteles rethoricorum libro i. capitulo 20. "Speranti
consequitur fantasia aliqua eius quod sperat."
/ Libro 2
capitulo 16. "Iuuenes bone spei sunt. Iuuenes
propterea quod nondum in multis repulsam passi sunt
viuunt secundum plurima spei: spes quidem futuri
est: memoria autem preteriti: iuuenibus autem quod
quidem futurum multum: preteritum autem breue.
Iuuenes facile seductibiles sunt: sperant enim
facile. Senes difficilis spei sunt: propter
experientiam. plura enim eorum que fiunt mala sunt
eueniunt enim multa indeterius."
¶ Iesus filius sirach: in ecclesiastico capitulo 22. "Ad
amicum et si produxeris gladium ne desperes. est
enim regressus ad amicum."
¶ Oratius in epistolis. libro i. epistola 4. "Grata
superueniet que non sperabitur hora."
¶ Tullius inuectiuarum in catilinam libro 4. et finali. "Spes sola hominem in miseriis consolari solet."
/ Epistola. 16. "Fallitur augurio spes bona sepe suo"
/ Idem methamorphoseum libro i. "Spes tamen in dubio est."
/ Libro. 9. "Spes est que cupiarspes est qui pascat amantem"
/ Idem de ponto libro 3. epistola 7. et antepenultimo. "Spem iuuat amplecti: que non iuuat irrita semper
Et fieri cupias si qua futura putes."
¶ Quintilianus delcamationum. 7 declamatione. "Nihil magis interesse hominum puto quam vt
spes pro homine tam longa quam vita sit."
¶ Seneca epistolarum ad lucillum. libro 2. epistola 3. "Spes
incerti boni nomen est."
/ Libro 12. epistola 2. et finali. "Diuitie insolentiam dant: nihil est aliud
insolentia quam spes false magnitudinis."
/ Libro 18. epistola i. "O quanta dementia est spes longas inchoantium."
/ Idem declamationum libro 5. capitulo i. "Spes
vltimum est aduersarum rerum solatium."
/ Libro
9. capitulo 6. et finali. "Concitatissima est rabies in
desperatione."
/ Idem de breuitate vite. "Spes
spem excitat ambitionem ambitio."
¶ Lucanus. libro i. "Spes saltem trepidas
mentes leuat."
¶ Ualerius maximus libro 6. titulo 9. et finali. "Stultum
est perpetue infelicitati se damnare spemque
ex incerto recte fouetur interdum certam in
desperationem conuertere."
¶ Statius thebaidos libro 2. "Non grauior
mortalibus addita cura Spe: vbi longa venit."
¶ Uegetius de re militari. libro 3. titulo 10. "Nemo
desperet fieri posse que facta sunt."
/ Libro 3. titulo
23 "Ex desperatione crescit audacia: et cum
spei nihil est sumit arma formido."
¶ Augustinus in epigrammatibus
prosperi epigramma 86 "Non est desperandum de
malis: sed pro ipsis vt boni fiant potius
supplicandum: quia numerus sanctorum semper est
auctus de numero impiorum."
¶ Cato. capitulo 3. "Spem retine: spes vna
hominem nec morte reliquit."
/ Capitulo. 5. et finali. "In aduersis melius sperare memento."
¶ Boetius. libro diuisionum: "Quis non
videat plurimum ad bonarum artium
defectum valere: si apud mentes hominum numquam
sit desperatio discendi."
¶ Cassiodorus epistolarum libro 4. epistola 25. "In ipsis
conatibus egra languescunt: que meritorum
presumptionibus non inuuantur."
¶ Isydorus in synonima solliloquiorum libro i. capitulo. "Desperatio auget peccatum."
¶ Uersificator fabularum esopi. 29 fabula. "Sic
timeat quicumque timet ne molle timoris.
Spe careat: grauis est spe fugiente timor.
Speret qui metuit: morituros viuere vidi:
Spe duce: victuros spe moriente mori."
¶ Auctor libro qui dicitur pamphylus. capitulo i. "Spes reficit dominum: fallit et ipsa suum."
/ Capitulo. 13. "Obstitit interdum factis fortuna virorum
Propositumque suo non sinit esse loco."
