Rubrica 4

¶ De animi constantia seu perseuerantia leuitate pertinacia et mutabilitate. Rubrica 4.

CRonica de nugis philossophorum. capitulo 6. scilicet de biante. "Bias vnus de septem sapientibus ait: quicquid proposueris firmiter seruans perseuera."

¶ Aristoteles magnorum moralium. libro 2. capitulo 18. "Perseuerantia est contra tristitias: et substinens tristiatis iste perseuerans est."

/ 75. capitulo. "Prauus nunquam est idem sibiipsi."

¶ Iesus filius sirach in ecclesiastico capitulo 27. "Stultus sicut luna immutatur."

/ 29. capitulo. "Uita nequam hospitandi de domo in domum."

¶ Terentius in adelphis: "Nunquam ita quisque bene subducta ratione: ad vitam fuit: quoniam res etas vsus semper aliquid apportet noui: aliquid moneat: vt illa qua te scire credas nescios: et que tibi putaueris prima in experiundo repudies."

¶ Oratius in epistolis. libro 2. epistola i. "Quid placet: aut odio est quod non mutabile credas."

¶ Tullius de officiis: libro i. capitulo 36. "Fortis animi et constantis est non perturbari in rebus asperis nec tumultuatum de gradum deiici: sed prestantis animi vti consilio: nec a ratione discedere."

/ 45. capitulo. "Ut aduersas res: sic secundas immoderate ferre leuitatis est: preclara que est in omni vita: et idem semper vultus: eademque frons."

/ Idem rethoricorum artis veteris. libro 2. capitulo 9. "Perseuerantia est in ratione bene considerata stabilis et perpetua mansio."

¶ Iacobus apostolus. epistola vnica. capitulo i. "Uir duplex animo inconstans est in omnibus viis suis."

¶ Seneca epistolarum ad lucillum: libro i. epistola 2. "Primum argumentum composite mentis existimo posse consistere et secum morari. Non conualescit planta que sepe transfertur."

/ Libr. 5. epistola 5. "Ante omnia hoc cura vt constes tibi."

/ Libro 7. epistola 4. "Stultitie nihil constat: nihil diu placet."

/ Idem de tranquillitate animi: "Humanus animus agilis est et pronus ad motus. Semper presentibus infesta est leuitas."

/ Idem de consolatione ad helbiam matrem. "Mobilis et inquieta homini mens data est: nunquam se tenere potest. spargitur: et cogitationes suas in omnia nota atque ignota dimittit vaga: et quietis impatiens et nouitate rerum letissima."

/ Idem in prouerbiis: "Argumentum bene composite mentis est: consistere et secum morari."

¶ Marcialis cocus libro vndique suscepto. capitulo 2. "Mobilibus ventis simules ludibria mentis Uescene: nunquam stas: sed quasi turbo volas"

/ Capitulo 3. "Est mentis bene disposite consistere secum. Et non in motus dissimiles ruere."

/ Capitulo 4. "Non bene firmatur radix que sepe mouetur Nec multa hospitia pignus amoris habent."

/ Capitulo 5. "Cum adeo gaudes iouiane locali. Cur tam sepe salis: ante quoniam leuis es. Signat enim motus mentis mutatio tanta. Quod non concordes nec tibi conuenias. Pondus habe: stabis: cum pondere gleba quieta est. Dirupitur puluis pro leuitate sua. Nec natura loci tibi recte viuere donat. Sed mens discreta propositaque tenax."

¶ Auctor libelli de formula honeste vite. capitulo 4. "Mobilis esto non leuis: constans non pertinax."

¶ Cato capitulo 2. "Sperne repugnando tibi tu contrarius esse. Conueniet nulli qui secum dissidet ipse. Constans et leuis vt res expostulat esto. Temporibus mores sapiens sine crimine mutat."

/ Capitulo. 5. et finali. "Laudaris quodcumque palam quodcumque probaris. Hec vide ne rursus leuitatis crimine damnes."

¶ Boetius de disciplina scolarium: libro 3. "Sicut in vnoquoque opere mater inuenitur constantia: ita vniuerse doctrine nouerca est negligentia."

¶ Cassiodorus epistolarium libro 3. epistola 52. "In hystrionibus rara est constantia honestumque votum."

/ Libro 5. epistola 34. "Leuissimi animi mos est polliceri facile que non disponit implere."

/ Libro 7. epistola 36. "Dum sit homo commutabilis: nature sue qualitates habere desiderat."

¶ Gregorius in pastorali. capitulo 43. "Perninaces nisi meliores se ceteris extimarent: numquam cunctorum consilia sue deliberationi postponerent. Pertinacia quippe ex superbia generatur. Inconstantia ex leuitate generatur. Admonendi sunt pertinaces vt elationes sue cognitionis agnoscant et semetipsos vlcere studeant: ue dum rectis aliorum suasio nibus foris superari despiciunt intus a superbia captiuati teneantur."

¶ Mattheus vindocinensis in poetria parte i. capitulo 6. "Iacturam fidei notat in constantia mentis. Palpitat in vario pectore rara fides."

¶ Gaufridus de hyronia curie papalis: "Constantes animos premia nulla mouent."

¶ Iacobus beneuentanus. capitulo 50. "Mobile cor cunctis et mens est vana puellis. Firmum propsitum femina nulla gerit."

¶ Ricardus iudex venusinus libro de pertractatione nuptiarum. capitulo 40. "Non est prudentis vano sermone moueri Constantes animos premina nulla mouent."

¶ Prouerbia vulgaria. "Chi sta ben nose moua."