Rubrica 9

¶ De verecundia. Rubrica. 9.

ARistoteles ethicorum libro 3. capitulo 7. "Qui timet decens et verecundus est qui autem non timet inuerecundus"

/ Libro 4. capiutlo 10. et finali. "De verecundia vt quadam virtute non conuenit dicere: passioni autem magis assimilatur quam habitui. Uerecundia est timor ingloriationis. Rubescunt verecundati. Laudamus inuuenem verecundum: senem autem nullus vtique laudabit quoniam verecundabilis."

/ Idem rethoricorum. libro 2. capitulo 9. "Erubescentia est tristitia quedam: et turbatio circa ea que videntur ferre in gloriatione malorum aut presentium aut futurorum. In erubescentia autem paruipensio quedam et impassibilitas. contra hec ipsa. De confusione fantasia est erubescentia."

/ 16. capitulo. "Iuuenes erubescitiui sunt."

¶ Iesus filius sirach: in ecclesiastico capitulo 32. "Ante grandinem preibit coruscatio: et ante verecundiam preibit gratia"

¶ Seneca epistolarum ad lucillum. libro 2. epistola 2 "Uerecundia in adolescente bonum signum est. Rubor grauissimis quoque viris subitus affunditur. Rubor inuenibus magis apparet: quibus et plus caloris est et tenera frons. nihilominus et veteranos et senes tangit. Quidam nunquam magis quam cum erubuerint timidi sunt: quasi omnem verecundiam effuderint. Non accidit rubor ab infirmitate mentis: sed a nouitate rei: que inexercitatos etiam si non concutit mouet: naturali in hac facilitate corporis pronos. Ut quidam boni sanguinis sunt: ita quidam incitati et mobilis et cito in hos prodeuntis."

/ Idem de naturalibus questionibus. libro i. "Tenerrima est oculorum verecundia."

/ Idem in prouerbiis "Proximum ad innocentiam tenet locum verecundia peccandi. Recta ingenia debilitat verecundia."

¶ Ualerius maximus libro 4. titulo de verecundia. capitulo 5. dif. "Uerecundia est pars omnis honesti consilii tutela solenium officiorum magistra innocentie: cara proximis: accepta alienis: omni loco omni tempore: fauorabilem pre se referrens vultum."

¶ Statius thebaydos. libro 9. "Nec habent extrema pudorem."

¶ Cato. capitulo. i. "Uerecundiam serua."

¶ Cassiodorus: de amicitia. capitulo 22. "Generosus animus nil magis erubescit quam petere."

¶ Gregorius in pastorali. capitulo 56. "Plerumque culpa dum absconditur effugatur: quia dum mens erubescit videri quod tamen esse non metuit erubescit quandoque esse quod fugit videri."

¶ Prouerbia vulgaria. "Coruo carogna non laxa per vergogna."