Rubrica 18

¶ De iuramenti religione. Rubrica. 18

IN leuitico. cap. 19. "Non periurabis in nomine meo: nec pollues nomen domini dei tui."

¶ Iesus filius sirach in ecclesiastico. cap. 23. "Iurationi non assuescat os tuum: multi enim casus in illa. Uir multum iurans implebitur iniquitate."

¶ Mattheus in euange. c. 5. "Non iurare omnino: neque per caelum quia thronus dei est: neque per terram: quia scabellum est pedum eius: neque per hierosolymam quia ciuitas est magni regis: nec per caput tuum iurabis: quia non potes vnum capillum album facere aut nigrum. Sit autem sermo vester est est non non: quod autem his habundantius est a malo est."

¶ Iacobus apostolus epistola vnica. c. 5. et fi. "Nolite iurare neque per caelum neque per terram: neque aliud quodcumque iuramentum: sit sermo vester est est non non."

/ Paulus apostolus epstola ad hebreos. c. 6. "Homines per maiorem sui iurant: et omnis controuersie eorum finis. Ad confirmationem est iuramentum."

¶ Cato. c. i. iusiurandum serua.

¶ Isidorus solilo. lib. 2. c. 35. "Assiduitas iurandi periurii consuetudinem facit. Usus iurandi ad periurium ducit. Sit in ore tuo est: sit in ore tuo non est: veritas iuramento non indiget."

"/ Firma sit sacramenti tui fides."