Rubrica 21

¶ De decimarum et primitiarum religione. Rubrica. 21.

IN exodo. 22 "Decimas tuas et primitias non tardabis offerre."

/ 23. c. "Primitias frugum terre tue deferre in domum domini dei tui."

/ 25. c. "Loquere filiis israel: vt tollat mihi primitias ab omni homine qui offert vltro ne accipies eas"

"¶ In leuitico. c. vlt. Omnes decime terre siue de frugibus siue de pomis arborum domino sunt: et illi sanctificantur."

/ "Boues et oues et capre que pastoris virga transeunt quicquid decimum venerit sanctificabitur domino."

¶ In libro numeri. ca. 18. "Locutus est dominus ad aaron et caetera filiis leui dedi omnes decimas israelis in possessionem pro ministerio quo seruiunt mihi in tabernaculo federis."

/ "Nihil aliud possidebunt filii leui decimarum oblatione contenti: quis in vsus eorum et necessariis separaui"

¶ Moyses in deuteronomio. c. 14. "Decimam partem separabis de cunctis fructibus tuis qui nascuntur in terra per annos singulos: et comedes in conspectu domini dei tui in loco quem elegerit: vt in eo nomen illius inuocetur: decimam frumenti tui et vini et olei: et primogenita de armentis et ouibus tnis:vt discas timere dominumdeum tuum omnitempore."

/ c. 18. "Non habebunt sacerdotes et leuite: et omnes qui de eadem tribu suntpartem et haereditatem cum reliquo populo israel: quia sacrificia domini et oblationes eius comedent: et nihil aliud accipiant de portione fratrum suorum: dominus enim ipse est haereditas eorum sicut locutus est illis."

¶ Salomon in prouer. c. 3. "Honora dominum de tua substantia: et de primitiis omnium frugum tuarum: et implebuntur horrea tua saturitate: et vino torcularia tua redundabunt"