¶ Marcus in euage. c. 5. "Si oculus tuus dexter scandalizat te erue eum et proiice abs te: expedit enim tibi vt pereat vnum membrorum tuorum quam totum corpus tuum mittatur in gehennam."

/ 6. c. "Nolite thesaurizare vobis thesauros in terra vbi erugo et tinea demolitur: et vbi fures effodiunt et furantur. Thesaurizate autem vobis thesauros in celo: vbi neque erugo neque tinea demolitur: et vbi fures non effodiunt neque furantur."

/ "Ubi thesaurus tuus ibi est et cor tuum."

/ "Idem dicit lucas in euan. c. 12."

/ 16. c. "Quid prodest homin si vniuersum mundum lucretur anime vero sue detrimentum patiatur: aut quam dabit homo commutationem pro anima sua:"

/ idem dicit marcus. 8. c.

/ 18. c. "Uhe mundo a scandalis."

/ 19. c. "Ait iesus. Si vis perfectus esse vade et vende omnia que habes et da pauperibus: et habebis thesaurum in celo: et veni sequere me."

Iesus dixit discipulis suis: "Amen dico vobis: quia diues difficile intrabit in regnum celorum. et iterum dico vobis: Facilius est camelum per foramen acus transire quam diuitem intrare in regnum celorum. Auditis autem his discipuli: mirabantur valde dicentes: Quis poterit saluus esse: aspiciens autem iesus dixit illis: Apud homines hoc impossibile est: apud deum autem omnia possibilia sunt."

/ Idem dicit lucas in euange. c. 18. "Ait iesus: Omnis qui reliquit domum vel frens aut sorores: aut patrem: aut matrem: aut vxorem: aut filios: aut agros propter nomen meum: centuplum accipiet et vitam eternam possidebit."

/ "Idem dicit lucas in euangelio. c. 18."

¶ Marcus in euange. c. 8. "Iesus cepit docere discipulos suos: quoniam oportet filium homnis multa pati et reprobari a senioribus et a sum mis sacerdotibus et scribis et occidi: et post tres dies resurgere et palam verbum loquebatur: et apprehendens eum petrus cepit increpare eum. Qui conuersus et videns discipulos suos comminatus est petro dicens: Uade retro sathanas: quoniam non sapis que dei sunt sed qui hominum sunt."

/ 10. c. "Quam difficile est confidentes in pecunias in regnum dei intrare."

¶ Lucas in euange. c. 9. "Quid proficit homini si vniuersum mundum lucretur: se autem ipsum perdat et detrimentum sui faciat."

/ c. 16. "Filii huius seculi prudentiores filiis lucis in generatione sua sunt. Ait iesus: Facite vobis amicos de mammona iniquitatis: vt cum defeceritis: recipiant vos in eterna tabernacula."

/ Idem in actibus apostolorum. ca. 5. "Obedire oportet deo magis quam hominbus."

¶ Iacobus apostolus epistola vnica. c. i. "Unusquisque tentatur a concupiscentia sua abstractus et illectns. Deinde concupiscentia cum conceperit pa rit peccatum: peccatum vero cum consummatum fuerit generat mortem."

/ c. 3. "Nolite gloriari et mendaces esse aduersus veritatem. Non est enim ista sapientia desursum descendens: sed terrena animalis diabolica. Que desursum est sapientia primum quidem pudica est: deinde pacifica: modesta suadibilis: bonis consentiens: plena misericordia et fructibus bonis: iudicans sine dissimulatione."

/ c. 4. "Unde bella et lites inter vos: nonne hinc ex concupiscentiis vestris que militant in membris vestris. Amicitia huius mundi inimica est dei. Quicumque voluerit amicus esse seculi huius: inimicus dei constituitur."

¶ Petrus apostolus epistola. i. c. 2. "Abstinete vos a carnalibus desideriis que militant aduersus animam."

¶ Ioannes apostolus epistola. i. c. 2. "Nolite diligere mundum: neque ea que in mundo sunt. Siquis diligit mundum: non est charitas patris in eo: quoniam omne quod in mundo est: concupiscentia carnis est et concupiscentia oculorum: et superbia vite que non ex patre sed ex mundo est: et mundus transibit et concupiscentia eius. Qui autem facit voluntatem dei manet in eternum."

¶ Paulus apostolus epistola ad romanos ca. 8. "Qui secundum carnem sunt: que carnis sunt sapiunt: qui vero secundum spiritum: que sunt spiritus sentiunt: nam prudentia carnis mors est: prudentia autem spiritus vita et pax: quoniam sapientia carnis inimica est deo: legi enim dei non est subiecta. nec enim potest. Qui autem in carne sunt: deo placere non possunt. Uos autem in carne non estis: sed in spiritu: si tamen spiritus dei habitat in vobis et cetera. Si secundum carnem vixeritis moriemini: si autem spiritu facta carnis mortifica ueritis viuetis. Quicumque enim spiritum dei aguntur: hii filii sunt dei."

/ "Idem epistola. i. ad corinthios. c. 3. Sapientia huius mundi: stultitia est apud deum."

/ Idem paulus epistola ad galathas. c. 6. "Caro concupiscit aduersus spiritum spiritus autem aduersus carnem: hec enim inuicem sibi aduersantur."

/ Idem epistola ad timotheum. c. 6. et fi. "Habentes alimenta et quibus tegamur: his contenti sumus: nam qui volunt diuites fieri incidunt in tentationem: et laqueum diaboli et desideria multa et inutilia et nociua: quae mergunt homines in interitum et perditionem. Radix omnium malorum est cupiditas."

/ Idem epistola. 2 ad timotheum. c. 2. "Nemo militans deo implicat se negociis secularibus: vt ei placeat cui se probauit. Seruum domini non oportet litigare: sed mansuetum esse ad omnes docibilem patientem: cum modestia corripientem eos qui resistunt veritati."

¶Seneca in epistolis ad lucillum li. 3 epistola. 4. "Nemo alius est deo dignus quam qui opes comtempsit: quarum positionem tibi non interdico sed efficere volo vt illas intrepidus possideas: quod vno consequeris modo si te etiam sine illis beatum victurum persuaseris tibi. Si illas tamquam exituras semper aspexeris."

¶ Cassiodorus epistolarum libro. 4. epistola. 36 "Melius est damna presentia contemnere quam exiguo questu perpetua commoda non habere."

¶ Isidorus soliloquiorum li. i. c. 4. "Transeunt omnia seculi huius: et non permanent: habent sub celo finem suum omnia."

/ Li. 2 c. 53 "Diuitie nunquam sine peccato acquiruntur. Nemo potest amplecti gloriam dei simul et seculi."

omitted

PrevBack to TopNext

On this page

Rubrica 25