Rubrica 26

¶ De peccatorum conuersione ad religionem Rubrica. 26

Iob hysto. c. 22. "Si reuersus fueris ad omnipotentem edificaberis et longe facies iniquitatem a tabernaculo tuo."

¶ Tobie hysto. c. 13. et fi. "Conuertimi peccatores et facite iustitiam coram deo: credentes quod faciat misericordiam suam vobiscum."

¶ Malachias propheta. ca. 3. "Reuertimini ad me: et reuertar ad vos: dicit dominus. Conuertimini et videbitis quid sit inter iustum et impium: et inter seruientem domino et non seruientem ei."

¶ Iesus filius sirach in eccl. c. 5. "Non tardes conuerti ad dominum: et ne deferas de die in diem: subito enim venit hora illius: et in tempore vindicte disperdet te."

/ 17. c. "Conuertere ad dominum et relinquere peccata tua. Quam magna misercordia domini: et propitiatio conuertentibus ad se."

¶ Augustinus in epigra. prospe. 7 ca. "Remedia conuersionis ad dominum nullis cunctationibus differenda sunt: ne tempus correctionis pereat tarditate. Qui enim penitenti indulgentiam promisit dissimulanti diem crastinum non spopondit."

¶ Esaias propheta. c. 55. "Derelinquat impius viam suam: et vir iniquus cogitationes suas: et reuertatur ad dominum et miserebitur eius: quoniam multus est ad ignoscendum."

¶ Ezechiel propheta. c. 18. "Numnquid voluntatis mee est mors impii dicit dominus deus: et non vt conuertatur a viis suis et viuat. Cum auerterit se impius ab iniquitate sua quam operatus est et fecerit iudicium et iustitiam: ipse animam suam viuificabit."

/ c. 33. "Dicit dominus deus: Nolo mortem impii: sed vt reuertatur impius a via sua et viuat."

"Impietas impii non nocebit ei in quacumque die conuersus fuerit ab impietate sua."

¶ Boetius de consola. li. 5. et fi. c. 11. et fi. "Aduersamini vitia: colite virtutes: ad rectas spes animum subleuate: humiles praeces in excelsa porrigite. Magna nobis est si dissimulare non vultis necessitas indicta probitatis: cum anim oculos agitis iudicis cuncta cernentis."

¶ Isidorus solilo. li. i. c. 9. "Animus sceleribus astrictus diuelli ab eis vix potest."