Rubrica 38

De cautelis educendi exercitum de locis periculosis. Rubrica. 38.

FRontinus Libro i. titulo i. " Mitridates cireumvalente pompeio fugam in proximam diem moliens: huius consilii obscurandi causa latius et vsque ad applicatas hosti valles pabulatus: colloquia quoque cum pluribus aduertende suspicationis causa in posterum constituit. Ignes autem frequentiores per tota castra fieri iussit. Secunda deinde vigilia preteripsa castra hostium agmen eduxit."

/ Libro 2. titulo 13. " Triphon syrierex victus per totum iter fugiens pecuniam sparsit. ideoque ei sectantes antiochi equites moratos effugit."

¶ Uegetius de re militari. libro 3. titulo 22. "Tui nesciant te omnino recedere: quia declines inire conflictum: sed credant arte aliqua se ideo reuocari vt ad opportuniorem locum mutentur: hostis vt facilius superetur: aut certe insequentibus aduersariis secretiores collocentur insidie. Nam ad fugam parati sunt qui ducem suum sentiunt desperare."