"Habentes speciem pietatis" Quia eadem sacramenta cum piis.

"Virtutem autem eius". Virtus charitas de corde puro, conscientia bona et fide non ficta, hec est virtus quam nihil vincit. Nullus ignis nulli fluctus seculi, nulla flumina temptationis eam extinguunt. De hac dicitur Fortis est ut mors dilectio. Sicut enim mors quando venit, resisti ei non potest. Sic contra violentiam charitatis nihil potest mundus. Econtraria data est similitudo. Quando enim mors ad auferendum vio lentissima est, sic charitas ad salvandum violenta est. Vel secundum aliam litteram: Veritatem autem eius, id est res pietatis. Abnegantes idem sensus.

"Qui penetrant" Ingrediebantur enim domus mulierum et decipiebant eas.

"Mulierculas." Prius et per eas viros ut dyabolus prius evam. Vel viros seductibiles quasi mulieres seducunt.