Caput 14

"Accepit quoque David," etc. RAB. "Multae uxores David multas gentes significant, quae per fidem Christo copulantur. Concubinae, haereticorum ecclesias, quae Christiani nominis titulo gloriantur. Sed quia propter carnalia lucra Christum sequuntur, non conjuges, sed concubinae dicuntur. Nunc reges si plures habeant uxores, crimen est, quia figurae transierunt."

"Audientes autem." Diffamata Evangelii gratia et regno Christi ubique praedicato, gentes undique surrexerunt contradicentes Evangelio pacis.

"In cacumine pyrorum." RAB. " In Hebraeo vero, flentium, id est, idolorum venire jubet, etc., usque ad quos Spiritus sanctus dirigit praemonendo."

"De Gabaon usque Gazera." Percutit Christus qui in colle superbiae consistunt, et conterit sepem duritiae, eorum dividens pertinaciam ut solus dominetur in orbe terrarum, unde sequitur: "Divulgatumque est nomen David in universis regionibus, et Dominus," etc.