"Percusserunt Jonathan," etc. RAB. in lib. Reg. tom. II. " Jonathan, Abinadab, etc., usque ad cum filiis periret."
Versus 4
"Arripuit itaque." Gladio quo Amalecitis contra praeceptum Dei pepercit, merito seipsum occidit: sic qui potestate pro communi utilitate accepta, aut non utitur aut abutitur, suo se nimirum gladio confodit, et quo ab hoste defendi debuerat, hostem potius juvat.
Versus 11
"Habitatores." Quos Saul ab adversariis defenderat, rependunt quod possunt. Nos quoque benefactores nostros gladio peccati peremptos, quoad possumus, a Philisthinorum opprobrio eripiamus.
