"Quid incredibile?" RAB. "Vel sic: Rex quid dicis? incredibile judicatur apud vos? etc., interrogando, quasi dicat: Non est incredibile. Suscitavit quidem ante mortuos in exemplum futuri, vel suscitat."
Versus 10
"Cum occiderentur detulit sententiam." ID. "Alia editio: Occidendisque detulit sententiam, id est qualiter occiderentur ipse sententiam dedi."
"Detuli sententiam." Judicavi illos occidendos: non ait occidi, nisi forte ad occisionem pertineat quod sequitur: "Puniens eos," etc., "et amplius insaniens," etc.
Versus 14
"Contra stimulum." ID. "Hucusque sine stimulo restitisti, sed nunc si resistis contra stimulum calcitrabis, quod satis durum est. Stimulus est ipsa correctio."
"Insanis, Paule." BED. " Insaniam putat, quod homo vinctus loco defendendi accepto, etc., usque ad et Propheta: "Non respexit in vanitates et insanias falsas""
Versus 24
"Multae te." RAB. "Philosophi gentium multa legendo sectas commutabant."
"Ad insaniam," subaudi mutabilitatis; vel insaniam dicit resurrectionem mortuorum, quam annuntiat.
