"Si acceperit." RAB. in Deut., tom. II. " Homo uxorem accepit, etc., usque ad tanquam indigna et errore polluta abominabilis permansit; unde: "Vobis oportebat primum loqui verbum Dei, sed quoniam," etc."
AUG., lib. I de sermone Domini in monte. " Multae erant in lege causae dimittendi uxores, etc., usque ad ut qui habent uxores, sint quasi non habentes."
"Scribet." Ad duritiam cordis vestri scripsit Moyses praeceptum istud, malens scilicet indulgere dissidium, quam committi homicidium.
Versus 4
"Ne peccare." Polluit terram suam, qui concupiscentiis carnalibus inquinat corpus suum. Ideo necesse est ambitionem praesentis vitae citius domari, ne valeat dominari. Et cum terrena actio semel fuerit repulsa, non est repetenda: ne post tergum respiciat, qui in aratro manum posuerat.
Versus 5
"Cum acceperit." Quasi, quicunque carnalibus desideriis se obligat ad regimen Ecclesiae, et ad spiritalem militiam se non habilem esse cognoscat: Quia "nemo militans Deo implicat se saecularibus negotiis, ut ei placeat cui se probavit" ; unde: "Nemini cito manum imposueris."
ISID. "Tollit molam superiorem qui peccatum flenti dicit: Non habebis veniam de commissis. Tollit inferiorem qui peccatum palpando dicit: Age mala quantum vis, Deus pius est et ad veniam paratus; utiliter utraque mola habetur, si spes sit cum emendante formidine, et formido cum spe."
Versus 6
"Non accipies loco pignoris inferiorem," GREG., lib. XXXIII Moral., cap. 16. " etc. Accipere aliquando offerre dicimus, etc., usque ad et incassum metuit qui non confidit."
Versus 7
"Auferes." AUG., quaest. 39. " Assidue hoc Scriptura dicit, etc., usque ad quod exponens ait: "Qui furabatur jam non furetur"."
Versus 8
"Plagam leprae." Nota propter peccatum hanc infirmitatem hominibus accidere, sicut Oziae qui sacerdotium usurpavit.
Versus 10
"Cum repetes." AUG., quaest. 41. " Ad opus misericordiae pertinet ut pignorator in domum non intret, etc., usque ad non habens ubi dormiat."
"Nonne. Qui Evangelium annuntiat, de Evangelio vivat". "Dignus est enim operarius mercede sua".
Versus 16
"Non occidentur." AUG., quaest. 42 " Etiam lex dicit, etc., usque ad non tres vel quatuor intelligi voluit."
Versus 17
"Non pervertes." AUG., quaest. 43 " LXX: "Non declinabis judicium advenae et orphani et viduae. Non pignorabis vestimentum viduae." Cur non ait, etc., usque ad continentia in eis laudatur, non desolatio commendatur."
"Viduae." Vidua anima ante diabolo juncta, cui conversae fidei vestimentum non est auferendum.
Versus 19
"Non reverteris." Invidendo gentibus, qui sunt advenae testamentorum Dei.
Versus 20
"Si fruges collegeris." Etsi superbi colligant et improbi, ille misericordiam facit qui hoc animo dimittit, ut egentes habeant. Praeterea cum haec populo praecipiuntur; qui non indigent, admonentur ne ista quaerant. Si autem quaesierunt, tanquam praedones pauperum judicandi sunt.
Versus 21
"Vineam tuam." Vineam de qua colligitur vinum, quod laetificat cor hominis.
