Caput 59

"Sed iniquitates vestrae." Ostendit quare non exauditi et in captivitatem ducti.

"Manus ejus." HIER. " Iniquitates per partes exponit, etc., usque ad et tandem in Filium Dei inclamantes: "Sanguis ejus super nos et super filios nostros.""

"Conceperunt," ID. "Qui exspectant Antichristum. Quem enim multo labore perquirunt in iniquitate suscipient."

"Ova." ID. "Ex ovo fetus, ex corde consilium, ex quo actus. Ova ergo ruperunt, dum corda iniqua et venenosa consilia verbis ostenderunt, dicentes: "Reus est mortis"."

"Aspidum." Aspis ad primam vocem incantatoris alteram aurem terrae infigit, alteram cauda obturat, ne possit incantari: sic Judaei inhaerentes terrenis, ne locum et gentem perderent metuentes, Christi praedicationem repulerunt, venenati venenatorum filii.

"Erumpet in regulum." Ex ovis aspidis regulus, qui et basiliscus, ex Judaeis Antichristus. Ex eis enim nascetur, flatu suo, id est sermone venenoso multos occidens volantes ad patriam coelestem. Occidit enim basiliscus flatu suo aves volantes per aera.

"Propter hoc" ID. "Propheta in persona populi poenitentis respondet, post accusationem, quid loqui debeant poenitentes."

"Rugiemus quasi ursi omnes." Judaeorum meditatio et doctrina in sacra Scriptura rugitui ursi et gemitui columbae comparatur, quasi inutilis et vana, sicut et illa. Contra subjectos quoque saeviunt ut ursi; contra majores vel aequales, gemunt ut columbae.

"Veritas in." ID. " Christus, qui est via, etc., usque ad ut Christi persona monstretur, quam deserentes, secuti sunt mendacium."

"Et vidit." ID. "Ostenso, quia poenituerunt, ostendit non placuisse Domino poenitentiam eorum, quia non puro corde plures poenituerunt."

"Quia non est vir." Mente omnes effeminati sunt, sicut et illud, "Vocavi et non erat qui audiret."

"Et salvavit sibi." Pater, scilicet per Filium gentes, "Et justitia ejus," vel misericordia secundum LXX confirmabit eum qui voluerit converti: non merito, sed misericordia et justitia. Justum enim est ut poenitenti creaturae Creator parcat, quae meritis suis salvari non poterat.

"Et timebunt qui." Praemonstrata vindicta Dei in Judaeos per Romanos, describit fidem gentium, de quatuor partibus mundi venientium, audita praedicatione apostolorum

"Quasi fluvius." Quia citissime mundum sua praedicatione et fide implevit.

"Quem Spiritus Domini." ID. "Ad redimendum genus humanum Spiritus sanctus scilicet. Unde: "Qui conceptus est de Spiritu sancto."Et, "Requiescit supereum Spiritus Domini", etc."

"Hoc foedus," ut scilicet eos sanguine Filii redimam, et ipsi praecepta mea faciant, et me moriter teneant et hoc est, "Spiritus meus, qui est in te,"