Caput 3

"Factum est verbum," etc. BEDA. " Congregaturus Ecclesiam, Dei Filius primum operatur in servulo, etc., usque ad unum itaque dixit, et omnia declaravit."

"Praedicans baptismum poenitentiae," etc. ID. " Joannes baptismum poenitentiae praedicavit, et quibusdam etiam dedit, etc., usque ad praecurretur suo baptismate quo peccata solvi non possunt."

"Vox clamantis." Vox, quia praenuntius verbi.

"In deserto." Quia desertae et destitutae Judaeae solatium redemptionis annuntiat. Nullum verbum sine voce auditur, nec vox sine verbi intelligentia valet.

"Parate viam Domini," etc. Qui fidem et bona opera praedicat, quid aliud quam venienti Domino? ad corda audientium viam parat, ut haec vis gratiae illustret, ut rectas Deo semitas faciat, dum mundas cogitationes in animo per sermonem praedicationis format.

"Et erunt prava." BEDA. "Prava, id est, malorum corda per injustitiam distorta ad regulam justitiae dirigentur."

"Et videbit." ID. "In hac vita omnis homo Christum videre non potuit, sed in die judicii, in sede majestatis et electi et reprobi pariter videbunt, ut justi remunerentur, et mali in aeternum gemant. Unde et subditur:"

"Quis ostendit," etc.? AMBR. " Quis ostendit in prudentia miseratione Dei infusa, etc.?usque ad quam ad gentes transferendam prophetat."

"Dico enim vobis." ID. " Qui amisso sensu rationis, etc., usque ad replentur fructibus, vestiuntur frondibus."

"Qui habet duas. (BEDA)" ". Tunica plus sui necessaria quam pallium, etc., usque ad sed quod habet cum paupere partiat."

"Publicani." ID. " Qui vectigalia publica exigunt, etc., usque ad tandem ad propria cum proximis communicanda pertingerent."

"Existimante autem." ID. " Non solum cogitabant, etc., usque ad per virginem venisse non credunt."

"Veniet autem." Ideo baptizo aqua, quia ille venit qui baptizabit spiritu, et oportet, ut illi via praeparetur.

"Cujus non sum dignus." BEDA. " Non sum dignus mysterium incarnationis investigare, etc., usque ad evangelica praedicatio, qua calceati sunt apostoli."

"Herodes." Antequam Lucas aliquid narrat de actibus Jesu, dicit Joannem ab Herode captum, ut ostendat se solummodo ea facta descripturum, quae eo anno gesta sunt, quo Joannes vel captus est, vel punitus.

"Et Jesu baptizato." BEDA. " Baptizatur Dominus, non mundari indigens, etc., usque ad jam edoctus Dei Filium aperte praedicat."

"In te complacui." Non aliena in filio, sed sua laudatur, quasi dicat: Quaecunque habes tu, mea sunt.

"Annorum triginta." BEDA. " Quod tricennalis baptizatur, etc., usque ad ut in Jeremia et Daniele."

"Qui fuit Mathathiae, qui fuit Amos, qui fuit Nahum, qui fuit Hesli." BEDA. " Mathath qui per Salomonem descendit, etc., usque ad qui per carnalem generationem ostenditur factus Filius hominis."

"Qui fuit Levi." Non autem hi quatuor qui hoc loco inferuntur Jacob filii fuerunt, sed quod eorum nominibus participabant.

BEDA. " Quasi nominibus alludens quod in illis figuratum est, etc., usque ad genera virtutum diversa praecederent."

"Nathan." ID. " Quod Matthaeus per Salomonem, etc., usque ad cui judicium a Deo rege defertur: "Sacerdos est in aeternum secundum ordinem Melchisedech.""

"Mathusale." AMBR. "Anni Mathusale ultra diluvium numerantur, significat Christum, cujus vita aetatem nescit."

"Qui fuit Enoch." BEDA. " A baptizato Dei Filio usque ad Deum Patrem ascendens, septuagesimo gradu Enoch ponit, etc., usque ad quos in resurrectione immutabili Dei sapientiae contemplandae per saecula monstrat esse jungendos."

"Seth." Seth posterior Adae filius, non siletur, ut cum duae populi sint generationes, significet Christum in posteriore potius quam in priore generatione numerandum.

"Qui fuit Dei." A Filio Dei generatio incipit, terminatur in Filium Dei, praecedit creatus in figura, ut sequatur natus in veritate; praeit factus ad imaginem, ut propter eum imago descendat.