Psalmus 85

"Oratio David." AUG. "Psalmus iste, secundus eorum est qui orationis nomine intitulantur, in quo Christus Dei Filius et hominis, unus Deus cum Patre, unus homo cum hominibus, orat in forma servi, qui oratur a nobis in forma Dei. Orat pro nobis ut sacerdos noster; orat in nobis ut caput nostrum, oratur a nobis ut Deus noster."

CASS. " Christi oratio fidelium, etc., usque ad comprimeret audaciam stultae et inconsultae temeritatis."

AUG. "Haec dicit Christus in nobis, et nos in illo."

CASS. "Orat ascendendo, unde concludit: Omnes gentes adorantes."

"Quoniam sanctus sum." AUG. " Christus proprie sanctus sanctificans, etc., usque ad miserere clamantis, laetifica levatum."

"Mitis." ID. " Portans hominem, donec perficiat eum, etc., usque ad cum nondum sit perfectus."

"Auribus percipe." CASS. " Vide ordinem orationis, etc., usque ad auditum deprecationi meae."

"Tribulationis." AUG., CASS. "Cum enixius clamatur, etc., "usque ad quia non est similis tui in diis, Domine.""

"Quascunque fecisti venient et adorabunt coram," etc. AUG. "Si est gens quam non fecit Deus, illa non adorabit. Annuntiat Ecclesiam ubique diffusam, quod modo impletum est: Et nota, quia, ut ait Scriptura: "In lata gente gloria regis, in diminutione populi principis contritio."Sequitur: "Et glorificabunt nomen.""

"Tu es Deus solus." ID. "Vel tu solus magnus contra futuros, qui se dicunt magnos et deos."

"Deduc me, Domine, in via tua." CASS. "Orat pro omnibus jam adorantibus, et loquitur in membris."

"Domine, deduc," etc. Aliud est duci ad viam, et aliud est duci in via, ne in ea cadatur: ubique egent homines adjuvari, sive sint in via, sive extra eam. Via autem Christus est, qui dicit: "Ego sum via, veritas, et vita. Laetetur cor meum."

AUG. " In timore mundano praecedit causa, etc., usque ad qui autem timet, et non sperat, depressus est."

"Ex inferno inferiori." ID. " Per hoc intelligimus, etc., usque ad haec sunt opiniones, non assertiones."

"Deus, iniqui insurrexerunt super me, et Synagoga potentium," etc. CASS. "Item pro se orat facta mentione passionis suae et gloriae, unde habent hi pro quibus oravit multam misericordiam et eruuntur de inferno."

"Da imperium tuum." AUG. "Quasi dicat: Transeat tempus patientiae, veniat tempus judicii, unde non tantum Christus, sed et sancti sedebunt judices, qui sunt "filii ancillae,"id est Ecclesiae."