Quaestio 3

QUAESTIO TERTIA. Vtrum Christus secundum quod homo habuerit potestatem operandi interiorem effectum sacramentorum. Thom. 3. 4. 64. ar. 3.

CIRCA secundum principale quaeruntur duoPrimum est de poteslate Christi baptismum instituentis. Secundum est de potestate quam hominibus communicare potuit sed non commuu nicauit. Quantum ad primum quaeritur, vtrum Christus secundum quod homo habuerit potestatem operandi interiorem effectum sacramentorum. Et videtur quod sic Primo per illud quod habetur Matth. 9. Filius hominis habe potestatem in terra dimittendi peccata, sed remissio peccatorum est interior effectus sacramenti, ergo Christus secundum quod filius hominis, habuit potestatem operandi interiorem effectum sacramenti.

Item nullus potest effectum sacramenti conferre sine sacramento, nisi ex se habeat potestatem super effectum sacramenti, sed Christus contulit effectum sacramenti sine sacramento, vt patet in Magdalena & Petro: ergo videtur quod Christus secundum quod homo habuit potestatem operandi interiorem effectum sacramenti.

IN CONTRARIVM est quod dicit Augustinus, c in sacramentis diuina virtus salutem nostram secretius opera¬ tur, sed diuina virtus non est Christi secundum quod homo sed secundum quod Deus, ergo Christus non operatur interiorem effectum sacramenti secundum quod homo, sed secundum quod Deus.

RESPONSIO. Sciendum est quod triplex est potestarespectu effectus sacramentorum, scilicet auctoritatis, excellentiae, & ministerij. Potestas auctoritatis est, qua aliquis propri virtute remittit culpam, & confert gratiam. Potestas ministeri est per quam competit alicui solum sacramenta ministrare. Potestas excellentiae est media inter istas duas, quia aliquid participat de auctoritatis potestate, licet non plene. Aliquid vero de potestate ministerij. Et secundum hoc patet quod Christus secundum quod homo non habuit potestatem auctoritatis, respectu effectus sacramentorum. Cuius ratio est, quia, vt dictum est nullus habet talem potestatem, nisi propria virtute possit conferrgratiam, & remittere culpam, sed hoc non competit nisi Deo ergo non competit Christo secundum quod homo. Potestas autem excellentiae competit Christo in quantum est homo. Cuiu ratio est, quia instrumento coniuncto comperit principalius actio quam instrumento separato. Sed humanitas Christi est quasi instrumentum coniunctum diuinitati, inquantum in eodem supposito sunt diuinitas & humanitas, ergo actio Dei in sacramentis principalius & excellentius competit Christo secundum quod homo (quasi instrumento coniuncto) quam cuicunque homini puro, qui est quasi instrumentum separatum.

Haec autem excellentia consistit in quatuor. Primo quia es passione eius baptismus efficaciam habet, non effectiue, sed meritorie. Secundo quia instrumenta instituit. Tertio quia quandoque effectum sacramenti sine sacramento tribuit, Quarto quia ad inuocationem nominis eius baptismus aliquo tempore colla tus fuit, vt in primitiua ecclesia ex causa superius dicta. Quod autem dictum est quod Christus secundum potestatem excellentiae dedit quandoque effectum sacramenti sine sacramento, intelligendum est per modum meriti, quia potestas auctoritati non competebat ei inquantum fuit horno.

Ad argumenta. Ad primum dicendum quod filius hominis habuit in terra potestatem dimittendi peccata per auctoritatem inquantum Deus: quod ostensum est, scilicet Christum esse Deum per curationem Paralytici, sed potestatem habuit inquantum homo per ministerium excellentiae, vt dictum est.

Per idem patet responsio ad secundum, quia quod Christus intulit effectum sacramenti sine sacramento, hoc potuit inquantum Deus, sed meruit inquantum homo.