Praeambulum

LIBER SECUNDDUS. DE ACTIBUS RELIGIONIS IN GENERALTI.

De his actibus nihil in communi disseruit D. Thomas in d. q. 81; sed statim in q. 82, incipit agere de actibus hujus virtutis in particulari. Nobis autem, ad majus doctrinae complementum, majoremque claritatem, necessarium visum est pauca de his actibus generatim praemittere; sic enim postea in singulis brevior et facilior erit doctrina, meliusque ipsius virtutis essentia et unitas explicari poterit. Nam religio habitus operativus est, unde a suis actibus speciem sumit, sicut caeterae virtutes et potentiae. Breviter igitur prae oculis ponemus hujus virtutis actus, secundum generales rationes eorum ; singulo- rum vero considerationem secundum proprias rationes eorum postea suis locis irademus.