Praeambulum

LIBER SECUNDUS DE SUPERSTITIONE.

Superstitio, ex communi sententia, vitium est religioni Dei contrarium, ut in superioribus tactum est, et mox latius videbimus. Non est autem una tantum species vitii, sed quasi genus quoddam proximum multas sub se continens species; nam quaedam superstitio est circa Deum verum, alia circa Deos falsos, vel expresse, vel tacite, de quibus omnibus in discursu hujus lib:i dicendum est.