Praeambulum

LIBER TERTIUS. DE PRAECEPTIS AD JURAMENTUM PERTINENTIBUS, ET PERJURIO, ALITSQUE PECCATIS EIS CONTRARIIS.

Explicata generali ratione juramenti, cum ejus speciebus, causis et effectibus, superest ut de praeceptis ad hoc pertinentibus, et conscquenter de vitiis illi contrariis disseramus. Prius ergo dicemus de praecepto affirmativo, quomodo in hoc actu inveniri possit, unde facile constabit quomodo per omissionem in hoc peccari possit; deinde dicemus de praeceptis negativis, et peccatis commissionis eis contrariis, inter quae maximum est perjurium proprie et stricte dictum. Et ideo de illo potissimum disseruit divus Thomas 2. 2, quaest. 89, quam in hunc locum explicandam reliquimus.