Praeambulum

LIBER PRIMUS DE VARIETATE RELIGIONUM IN GENERE.

Ordo et partitio hujus tractatus. — Postquam ea omnia explicuimus, quae de statu religioso absolute spectato consideranda occurrunt, quoniam propositum nostrum est, ea omnia in religione Societatis specialiter contemplari, et pro viribus explicare, ut compleia doctrina sit, necesse est de distinctione et varietate religionum aliqua praemittere. Possunt autem religiones distingui vel per quaedam generalia capita, seu conditiones et fines earum, ut religio contemplativa, vel activa, etc., vel per species proprias earum, ut Praedicatorum, Minorum, etc.; hoc ergo libro priorem divisionem, in sequenti vero posteriorem explicabimus.