Praeambulum

Arti. &IIll. de modo tradendi Theologiam. Equitur de causa formali huius scientiae: & quia in scientiis duplex est forma. scilicet forma tractandi & forma tractatus, ideo duplex est hic quaestio. Primo de forma tractandi. Secundo de forma tractatus. Et quia forma tractandi in scientia idem est quod modus agendi, qui consistit in traditione & expositione, ideo circa hoc quaeruntur duo. Primo de modo tradendi hanc scientiam. Secundo de modo exponendi eam.

Circa modum tradendi duplex est quaestio. Prima: vtrum modus tradendi hanc scientiam debeat esse multiformis an vniformis. Secunda: vtrum sit argumentatiuus an narratiuus.