Praeambulum

Artic. & XXl. de aeternitate Dei. Via immutabilitas est causa aeternitatis, sicut simplicitas est causa immutabilitatis, post dei immutabilitatem videndum est de eius aeternitate, sicut post eius simplicitatem visum est de eius immutabilitate. Et sunt quatuor quaerenda circa diuinam aeternitatem. Primum: vtrum deus possit dici esse aeternus. Secundum: vtrum aeternitas possit dici mensura dei. Tertium: vtrum aeternitas possit distingui secundum differentias temporis: quae sunt praesens, praeteritum, & futurum. Quartum: quae differentiarum temporis magis proprie attribuitur deo praesens, praeteritum, an futurum.