Table of Contents
Caput 9
[IX.] M. Verum si probaretur, quod ut puto facile fieri potest, quia esse grammatici ita non est esse hominis, sicut esse albi non est esse hominis ---potest enim homo esse sine albo et album sine homine---: tunc vere consequeretur aliquem grammaticum posse esse non hominem.
M. Non hoc a me debes hic exigere. Non enim in hac quaestione ventilamus utrum possit esse, sed utram sit aliquis grammaticus non homo, quod vides monstrari non posse.
D. Aristoteles ostendit grammaticum eorum esse quae sunt in subjecto. Et nullus homo est in subiecto. Quare nullus grammaticus homo.
M. Noluit Aristoteles hoc consequi ex suis dictis. Nam idem Aristoteles dicit et quendam hominem, et hominem et animal grammaticum.
M. Responde mihi: cum loqueris mihi de grammatico, unde intelligam te loqui: de hoc nomine, an de rebus quas significat?
On this page