TITULUS V.

Si quis eligat postulando, vel postulandum, vel in postulandum, vel postulet eligendo, vel eligendum, vel in eligendum: talis electio vel postulatio est irrita ipso iure. Si autem dicat: „ Eligo et postulo, prout melius de iure valere potest,“ idem; nisi probabiliter dubitaretur, an esset eligendus vel postulandus. Et tunc consensus tempore eligat alteram viam, electionis scilicet vel postulationis; qua electa ad alteram redire non poterit. H. d.

Ioann. Andr. •

Bonifacius VIII.

Perpetuo prohibemus edicto, ne sub aliqua ex his formis, quas perniciosa curiositas adinvenit: „ Eligo postu¬ lando,“ et: „Postulo eligendo,“ aut: „Eligo postulan¬ dum, seu: ,,Postulo eligendum,^ quum nec vera electio, nec vera postulatio resultet ex ipsis, quin sibi potius invicem adversentur, aut sub illis verbis: „Eligo in postulandum,“ vel: „Postulo in eligendum,“ quum rem imperfectam signi¬ ficare noscantur, ad faciendas electiones vel postulationes de cetero procedatur, si secus actum fuerit, eo ipso irritum decernentes. Sub ea etiam forma: „Eligo et postulo, prout potest melius de iure valere,“ quum incertitudinem con¬ tineat, quemquam postulari vel eligi prohibemus, statuentes, quod contra factum fuerit viribus omnino carere, nisi quando probabiliter dubitatur, utrum quis sit eligendus, vel potius postulandus. Quo casu is, qui sic postulatus fuerit aut electus, consensus tempore viam electionis vel postula¬ tionis, ne in incerto vagetur, eligere necessario teneatur, redeundi ad aliam, postquam unam elegerit, sibi licentia penitus interdicta.