Table of Contents
Reportatio A Sentences Commentary
Principia
Principium II
Principium III
Principium IV
de Fide
Lectio 18, De fide
Lectio 19, De fide
de Notitia
Lectio 20, de Notitia
Lectio 21, de Notitia
Lectio 22, de Notitia
Lectio 23, de Notitia
Lectio 24, de Notitia
Lectio 25, de Notitia
Lectio 26, de Notitia
Lectio 27, de Notitia
Lectio 28, de Notitia
Lectio 29, de Notitia
Lectio 30, de Notitia
Lectio 31, de Notitia
Lectio 32, de Notitia
de Fruitione
Lectio 34, de Fruitione
Lectio 35, de Fruitione
Lectio 36, de Fruitione
Lectio 37, de Fruitione
Lectio 38, de Fruitione
Lectio 39, de Fruitione
Lectio 40, de Fruitione
Lectio 43, de Fruitione
Lectio 44, de Fruitione
Lectio 45, de Fruitione
Lectio 46, de Fruitione
Lectio 47, de Fruitione
Lectio 48, de Fruitione
Lectio 49, de Fruitione
Lectio 50, de Fruitione
Lectio 52, de Fruitione
Lectio 53, de Fruitione
Lectio 54, de Fruitione
Lectio 55, de Fruitione
de Trinitate
Lectio 56, de Trinitate
Lectio 57, de Trinitate
Lectio 58, de Trinitate
Lectio 59, de Trinitate
Lectio 60, de Trinitate
Lectio 61, de Trinitate
Lectio 62, de Trinitate
Lectio 63, de Trinitate
Lectio 64, de Trinitate
Lectio 65, de Trinitate
Lectio 66, de Trinitate
Lectio 67, de Trinitate
Lectio 68, de Trinitate
Lectio 69, de Trinitate
Lectio 70, de Trinitate
Lectio 71, de Trinitate
Lectio 72, de Trinitate
Lectio 73, de Trinitate
Lectio 79, de Trinitate
de Caritate
de Libertate
de Incarnatione
Lectio 127, de Libertate
De liber arbitrio in se
Quod a parte rei eadem est potentia adaequate quae est consiliativa discursiva et electiva
Consequenter est de materia libertatis tractandum scilicet de libero arbitrio in se considerato unde primitus advertendum est quod libertas voluntatis est eadem potentiae quae est consiliativa desiderativa vel disursiva et volitiva patet / quia frustra sine necessitate multiplicarentur entia ubi per unam rem salvari possent
2o nam si potentia volitiva consiliativa et discretiva distinguerentur ab anima tunc ponatur quod distingantur realiter inter se quo dato anima tunc non erit rationalis et sic rationale non esset animae intrinsecum igitur etc
Corollaria
Ex quo sequitur vanitas fingentium liberum arbitrium esse compositum ex intellectu et voluntate unde ymaginantur quod liberum arbitrium exprimitur per duo vocabula et ideo debet dici arbitrium liberum ut sit potentia resultans ex elicitiva et volitiva / Sed defficit in hoc quod praesupponit quod sit dispositio a parte rei cum tamen non / et sic ymaginatur falsum
Item sequeretur quod eadem ratione componeretur ex 3a et 4a et sic in infinitum ut sic arguit altissiodorensis
Ex quo sequitur quod nihil est quaerere utrum intellectus sit liber vel voluntas et utrum a parte rei consistat voluntas et intellectus quia eadem aedequate sunt / et sic difficultas debet resolvi ad actus animae qui quidam producuntur libere 2a necessario Et sic de actibus debet quaeri qui sunt liberi et naturaliter producti Circa quod est oppinio altissiodorensis expresse tenentis quod actus elicitus est iudicium diffusivam ultimatum ipsius voluntatis et ex consequenti ponit libertatem esse in intellectu vel ratione unde ymaginatur idem doctor quod in operantibus motibus concurrit duplex iudicium
unum unum deliberativum et ad consiliativum quo intellectus elicit vel iudicat quod haec est faciendum vel non faciendum et illud nec est meritum nec demeritum exitus quando fit ex fide scilicet in iudicando
Aliud est sententiativum diffinitionum et imperativum et executivum / et istud iudicium est ipse intellectus vel consensus quo consensu acceptatur et iudicatur ultimate quod iudicatur in intellectu / et hoc ultimum ponit esse liberum / Et ideo potentia huiusmodi actus vocatur liberum arbitrium capiendo pro potentia iudicativa quia actus eius est iudicativus / et vocatur liber et non proprie in appetitu licet aristoteles in ethicis aliter dicit
Notabilia
unde advertendum est quod resolutio ultimata istius doctoris stat in hac utrum actus elicitivus sit magis appetitivus quam cognoscitivus / quia pluries dictum est quod multi actus sunt in anima qui sunt realiter idem sicut visum fuit in materia de fide Et ideo data electione / tale iudicium vocatur discretionis sed ultimum vocatur electionis vel cognitionis licet habeat utramque conditionem / et sic vocatur actus rationis
ulterius est advertendum quod alii doctores vocant liberum arbitrium gratia sui in ordine ad actus animae / et quia in contemplatione primae veritatis consistit principalis animae nostra felicitas ideo voluntatis actus in ipsum oordinantur / quia ipsa veritas prima est gratia cuius sunt omnes actus ipsius animae Et sic ponunt quod in intellectu ponitur et consistit veritas libertas
2o ymaginatur quod intellectus est principalis modo regno animae quia se habet non per modum consulentis sed per modum si diffinientis et operantis voluntas autem per modum exequentis / Et ad hoc resolvit libertatem
unde advertendum quod non discrepant de intellectu cum oppinione altissiodorensis quantum ad libertatem contradictionis quae stat sic quod concurrentibus quibuscumque causis ad actus elicitivi productionem / est tamen in potentiae animae illis stantibus exire vel non exire in actu / posito saltim obiecto et hoc absque adiutorio alicuius alterius causae Et in hoc stat libertas contradictionis Et sic non dependet pro tunc sua actio maxime ab aliqua particulari causa Sed ut materia magis in particulari discutiatur introducuntur aliquae rationes
Quod voluntas non sit libera
quarum prima Arguitur enim sic quod voluntas non sit libera / nam proposito quocumque obiecto voluntas necessario habet aliquem actum ergo non est libera / consequentia nota antecedens probatur / nam proposito obiecto ratione boni movet veritatem ad ipsius prosecutionem etc vel elicit velle ut nolle vel resistit / si primum habetur intentum si 2m tunc necessario elicit actum igitur non est libera
Responsio ad obiectionem
Sed contra hoc apparenter arguitur sic nam voluntas ex resistentiis talibus pluries iteratis facilitatur igitur in ea acquiritur habitus vel actus resistendi
et sic per actus resistet ergo etc Et haec est ratio magistri iohannis de rippa et adam etiam in 4to
2o arguitur nam si voluntas esset libera produceret actum suum subitus vel successive / non primum quia in aliquo tempore dato intenderet actum usque ad gradum infinitum patet quoniam in quolibet instanti aequalem gradum producet ergo in infinitum intensive / nec 2m potest dici quia non habet resistentiam respectu productionis sui actus ex eo quod non agit successive / antecedens enim patet quia possset augeri resistentia ad aequalitatem activitatis voluntatis quo dato impossibilitaur voluntas ad suos actus et per consequens non esset libera
3o arguitur per philosophum 7mo ethicorum ubi comparat sillogismum practicum et speculativum ad animam ponendo convenientiam et disconvenientiam / disconvenientia talis est quia conclusio sillogismi speculativi facit scire potissime non sic est de practico quia conclusio quae necessaria operatur et anima post cum et ita se habet sicut per ipsam conclusionem practici significatur ut sit conclusio practici quod omne dulce est gustandum et occurrat aliquod aliud particulare In sillogismo aut speculativo consistit in necessitate ad operationem ipsius practici
4o habitus exit in act absque concursu libero et modo naturali patet in singulis habitibus scientiis igitur actus voluntatis qui non est m?ris activitatis exiet in actu quia non est suspensus
Confirmatur quoniam habitus in aliquo gradu movet voluntatem ad actus productionem igitur necessabit voluntatem ad actus productionem sui consecutionem
5o voluntas neccessitatur saltim carens gratia a temporibus illicitis igitur non est libera consequentia tenet antecedens patet quia ipsa sic carens gratia non potest temptationibus resistere sicut dicit beatus augustinus quia alio modo dicere esset pelagii error et haec patet quoniam sine gratia non potest superare temptationes
6to vel voluntas se haberet pure passive / vel active sed nullum istorum potest dici igitur consequentia tenet et antecedens patet prima non primum quia non esset libera eo quod actus producibilis non est in potentia passiva sed praecise in potentiae agentis / et sic sequeretur quod obiectum necessitaret voluntatem ad sui executionem Sed quod non se habeat active maxime respectu actuum intellectivorum patet quia non se potest habere respectu habitus quia tantae activitatis est quod "per ipsam agonizantes coronantur"
Confirmatur nam respectu actus beatifici sed habet pure passive igitur non est libera sed quod nec sic se habeat patet / quia non potest caritatem producere quoniam excederet vires animae igitur non potest ad actum beatificum / quia nobilior est
arguitur voluntas nonquam libere vult igitur non potest esse libera vel libere velle consequentia tenet et antecedens patet quia quandocumque vult / suus actus continuatur in ea ergo necessitatur ad velle et antecedens probatur quia non datur ultimum instans rei permanentis in esse et per consequens necessitatur ad volendum quod fuit declarandum
Confirmatur / quoniam si sic esset tunc esset libera antequam actus produceretur sed haec non potest dici quod patet / quoniam in instanti productionis actus non est in potestate voluntatis quin velit igitur semper necessitatur
8vo arguitur inquirendo de voluntatis determinatione ad suum actum / tunc vel ipsa voluntas agit determinate vel indeterminate vel per actum liberum vel naturalem / si per naturalem tunc necessitatur / si de libero iterum de eo quaeritur quid per eum determinetur sed nihil et tunc si per nullum nulla ratio potest dari quare plus producat in prima parte istius horae quam in 2a Tunc arguitur in prima hora non est voluntas determinata ad producendum suum actum igitur nec in 2a igitur ipsa non est libera et hoc de argumentis pro praesenti sufficiat
Conclusiones
Secuntur distinctiones 18va et 19va 4ti sententiarum conclusio prima est quod claves summis sacrdotibus concedendae sunt id est absolvendi et ligam dei potestatem habent quod designatur per claves nam sicut clavis firmat et defirmat ita et ipsi
2a conclusio est una oppinio quod peccator per peccatum duplici ligamine ligatur scilicet macula et culpae poenae obligatione unde oppinio fuit quod deus se solo tollit culpam et ligamen culpae et sacerdos solummmodo ligamen
Sed hugo de sancto victore in libro de sacramentis dicit quod confessio est necessaria viatori quare si sit necessaria sumitur tollit ergo aeternam poenam et per consequens sacerdos absolvens tollit viatori aeternam dampnationem
Unde advertendum quod clavis non capitur per cognitione morbi spiritualis discernendi sed sumitur pro auctoritate discernendi / Theologicus autem licet habeat cognitionem morbi et scientiam nihilominus non habet auctoritatem nisi ordines sibi conferantur
Utrum autem possit applicari ad quamlibet materiam est dubium quidam dicunt pro sic sed tamen dico quod istud est quodam modo iuridicium habet enim aliquid de iure positivo id est pollitico et ideo deus reliquit iudici ad hoc sufficienter de pu?to scilicet vel episcopo vel sacramenti vel alteri quo sublato confessio non haberet efficaciam