Tractatus 95

In haec verba superioris lectionis, Cum vcnerit ille, argaet mundum de peccato, et de justitia, etc. Cap. xvi, ℣. 8-11 .

1. Promittens Dominus missurum se Spiritum sanctum, Cum venerit, inquit, ille arguet mundum de peccato, et de justitia, et de judicio. Quid est hoc? Numquidnam Dominus Christus non arguit mundum de peccato, cum ait: Si neu venissem, et locutus eis fuis­ sem, peccatum non haberent; nunc autem excusationem non habent de peccato suo? Sed ne quis forte dicat hoc ad Judaeos proprie pertinere, non ad mundum; nonne ait alio loco: Si de mundo esseis, mudus quod suum esset diligeret (ld. xv, 22, 19)? Numquid non arguit de justitia, ubi ait: Pater juste, mundus te non cogno. vit(Joan.XVII, 25) ?Numquid non arguit de judicio, ubi se ait sinistris esse dictorum: Ite in ignem aeternum, qur paratu, est diabolo et angeli. ejus (Matth. XXV, 41)? Et multa alia reperiuntur in sancto Evangelio, ubide his Christus arguit mundum. Quid est ergo quod tanquam proprie tribuit boc Spiritui sancto? An forte, quia Christus in Judaeorum tantum gente locutus est, mundum non videtur arguisse, ut ille intelligatur argui qui audit arguentem? Spiritus autem sanctus in discipulis ejus toto orbe diffusis, non unam gentem intelligitur arguisse, sed mundum. Nam hoc illis ait ascensurus in caeelum: Non eat vettrum scire tempora tel momenta, quae Pater posuit in sua botestate sed accipietis virtutem Spriritus sancti supervenientis in vos. et eritis milii testes in Jerusalem, et in tota Judcea, et in Samaria, et usque in fines terrae (Act. i, 7 et 8), Hoc ost arguere mundum. Sed quis audeat dicere quod per discipulos Christi arguit mundum Spiritus sanctus, et non arguat ipse Christos; cum clamet Apostolus, An vultis experimentum accipere ejus qui in me loquitur Christus (II Cor. XIII, 5)? Quos itaque arguit Spiritus sanctus, arguit utique et Christus. Sed quantum mihi videtur, quia per Spiritum sanctum diffundenda erat charitas in cordibus eorum (Rom. v, 5), quae foras mittit timorem ( I Joan. iv, 18), quo impediri possent ne arguere 'nundum qui persecutionibus fremebat, auderent; propterca dixit, Ilte arguet mundum: tanquam diceret, Ille diffundet in cordibus vestris charitatem; sic enim timore depulso, arguendi habebitis libertatem. Saepe autem diximus inseparabilia opera esse Trinitatis (Supra, Tract. 20); sed singillatim commendandas fuisse personas, ut non solum sine separatione, verum etiam sine confusioneetunitas intelligatur et Trinitas.

2. Exponit deinde quid dixerit de peccato, et de justitia et de judicio. De peccato quidem, inquit, quia non crediderunt in me. Hoc enim peccatum quasi solum sii, prae caeteris posuit; quia hoc manente caetera detinentur, et hoc discedente caetera rcmittuntur. De justitia vero, inquit, quia ad Patrem vado, et jam noM vidcbilil me. IIic primo videndum est, si recte quisque arguitur de peccato, quomodo recte arguatur et de justitia. Numquid enim si arguendus est peccator propterea quia peccator est, arguendum putabit quisquam etjustum propterea quia justus est? Absit. Nam et si aliquando justus arguitur, idco recte arguitur, quia, sicut scriptum est, Non est justus in terra qui faciet bouum, et non peccabit. Quocirca etiam cum justus arguitur, de peccato arguitur, non de justitia. Quoniam et ,in illo quod legimus divinitus dictum, Noli effici justus multum (Eccle. VII, it, 47); non est notata justitia sapientis, sed superbia praesumentis. Qui ergo fit multum justus, ipso nimio fit injustus. Multum enim se facit justum, qui dicit se non habere peccatum; ant qui se putat non gratia Dei, sed sua voluntate sufficiente eflici justum: nec recte vivendo justus est, aed potius inflatus, putando se esse quod non est. Quo pacto igitur mundus arguendus est de justitia, nisi de justitia credentium ? Arguitur itaque de peccato, quia in Christum non credit; et arguitur de justitia eorum qui credunt. Ipsa quippe fidelium comparatio, infidelium est vituperatio. Hoc et ipsa expositio satis indicat. Volens enim aperire quid dixerit, De justitia vero, inquit, quia ad Patrem vado, et jam non videbi­ iis me. Non ait, Et jam non videbunt me; de quibus dixerat, quia non crediderunt in me. Sed peccatum quid vocaret exponens, de illis locutus est dicens, quia non crediderunt in me: exponens autem quam dictrel justitiam, de qua mundus arguitur, ad ipsos quibus loquebatur, se convertit, atque ait, Quia ad Patrem vado, et jam non videbitis me. Quapropter mundus de peccato quidem suo, de justitia vero arguitur aliena, sicut arguuntur de lumine tenebra: Omnia enim qua arguuntur, ait Apostolus, a lumine manifestantur (Ephe,. v, 13). Quantum enim malum sit eonim qui non credunt, non solum per scipsum, verum etiam ex bono potest eorum apparere qui credunt. Et quoniam ista vox infidelium esse consuevit, Quomodo credimus quod non videmus? ideo credentium justitiam sie oportuit definiri, Quia ad Patrem vado, et jam non vi­ debias me. Beati enim qui non vident, et credunt (Joan. xx, 29). Nam et qui viderunt Christum, non in eo laudata est fides eorum, quia credebant quod videbant, id est Filium hominis; sed quia credebant, quod non videbant, id est Filium Dei. Cum vero et ipsa forma servi subtracta eorum esset aspectibus, tum vero ex omni parte impletum est, ,Justus ex fide vivit (Rom. I, 17; Habac. n, 4, et Hebr. XI, i). Est enim fides, sicut in Epistola quae ad Hebraeos est definitur, sperantium substantia, convictio rerum quae non videntur.

5. Sed quid est, Jam. non videbitis me ? Non enim ait, Ad Patrem vado, et non vidchitis me; ut tempo. ris intervallum quo non vidcbitur, significasse iuleUigeretur, sive breve, sive longum, tamen utique terminatum: sed dicendo, Jam non videbitis me, velut nunquam eos de caetero visuros Christum, veritas praenuntiavit. Haeccine justitia est nunquam Christum videre, et in eum tamen credere; cum propterea laudetur fides ex qua justus vivit, quoniam credit, quem modo non videt Christum, se aliquando esse visurum ? Postremo secundum hanc justitiam, numquid dicturi sumus Paulum apostolum non fuisse jitstum, confitentem se Christum vidisse post ascensionem ejus in coelum (I Cor. xv, 8), de quo utique jam tempore dixerat, JanI non videbitis me? Numquid secundum hanc justitiam justus non erat gloriosissimus Stephanus, qui cum lapidaretur, ait: Ecce video cae­ lum apertum, et Filium hominis stantem ad dexteram Dei (Act. VII, 55) ? Quid ergo est, Ad Patrem vado, et jam non videbitis me; nisi, quomodo sum, cum vobiscum sum? Tunc enim adhuc erat mortalis in similitudine carnis peccati (Rom. VIII, 5), qui esurire poterat ac sitire, fatigari atque dormire: hunc ergo Christum, id est talem Christum, cum transisset de hoc mundo ad Patrem, non erant jam visuri; et ipsa est justitia fidei, de qua dicit Apostolus, Etsi noveramus Christum secundum carnem, sed nunc jam non novimus (II Cor. v, 16). Erit itaque, inquit, vestra justitia, qua mundus arguetur, quia vado ad Patrem, et jam non videbitis me: quoniam in eum quem non videbitis credetis in me: et quando me videbitis, quod tunc ero, non videbitis me quod sum vobiscum modo; non videbitis humilem, sed excelsum; non videbitis mortalem, sed sempiternum; non videbitis judicandum, sed judicaturum 1: et de hac lide vestra, id est justitia vestra, arguet Spiritus sanctus incredulum mundum.

4. Arguet etiam de judicio, quia princeps hujus mundi judicatus est. Quis est iste, nisi de quo ait alia loco, Ecce venit princeps mundi, et in me nihil inveniet (Joan. xiv, 30); id est, nihil juris sui, nihil quod ad eum perlincat, nullum scilicet omnino peccatum? Per hoc enim est diabolus princci s mundi. Non enim coeli et terrae et omnium quae in eis sunt, est diabolus princeps, qua significatione intelligitur mundus, ubi dictum est, Et mundus per eum factus est: sed mundi est diabolus princeps, de quo mundo ibi continuo subjungit atque ait, Et mundus eum noM cognovit (Joan. I, 10), hoc est homines infideles, quibus toto orbe terrarum mundus est plenus: inter quos gemit fidelis mundus, quem de mundo elegit, per quem factus est mundus; de quo ipse dicit, Non venit Filius hominis ut judicet mundum, sed ut salvetur mundus pcr ipsum (Id. III, 17). Mundus eo judicante damnatur, mundus eo subveniente salvatur: quoniam sicut arbor foliis et pomis, sicut area paleis et frumentis, ita infidclibus et fidelibus plenus est mundus. Princeps ergo mundi hujus, hoc est princeps tenebrarum harum, id est infidelium; de quibus cruitur mundus, quibus dicitur, Fuistis aliquando tenebrae; nunc autem lux in Domino (Ephes. v, 8): princeps mundi hujus de quo alibi dicit, Nunc princeps mundi hujus missus eat foras (Joan. SII, 31), utique judicatus est; quoniam judicio ignis aeterni irrevocabiliter destinatus est. Et de hoc itaque judicio quo princeps judicatus est mundi, arguitur a Spiritu sancto mundus; quoniam cum suo principe judicatur, quem superbus atque impius imitatur Si enim Deus, sicut dicit apostolus Petrus, peccantibus angelis non pepercit, sed carceribus caliginis inferi retrudens tradidit in judicio puniendos servari (II Petr. II, 4); quomodo non a Spiritu sancto de hoc judicio mundus arguitur, quando in Spiritu sancto haec loquitur Aposlolus? Credant itaque homines in Christum, ne arguantur de peccato infidelitatis suae, quo peccata omnia detinentur: transeant in numerum fidelium, ne arguantur de justitia eorum, quos justificatos non imitantur: caveant futurum judicium, ne cum mundi principe jndicentur, quem judicatum imitantur. Etenim ne sibi existimet parci superbia dura mortalium, de superborum supplicio terrenda est angelorum.