Apparere scilicet Deum in creatura

Pparere scilicet deum in creatura. Clarum est dei filium et etiam spiritum sanctum apparuisse visibiliter in mundo Sed questio restat.

¶ Utrum deus pater aliquado apparuerit visibiliter in creatura. Respondetur secundum Bonauen super primo. dist. xvi arti i. q. i. quod apparitio dei distinguitur.

¶ Nam primo apparitio quedam est in qua manifestatur diuina persona vt operans tantummodo. Et sic tota trinitas apparet in qualibet creatura: quia in omnibus relucet vestigium creatoris et sanctissime trinitatis. Psalmus. Scitote quoniam dominus ipse est deus ipse fecit nos et non ipsi nos.

¶ Secundo quedam est apparitio in qua manifestatur diuina persona non tantum vt operans: sed etiam vt inhabitans vel inexistens per specialem effectum gratie. Et sic deus pater quandoque apparuisse putatur patribus et prophetis. Nam Augustinus vii. de trinitate ait. Temerarium est inquit dicere patrem prophetis et patribus per ali quas visibiles formas numquam apparuisse. Et patet quia in baptismo christi et transtiguratione apparuit deus pater in voce d. Hic est filius meus dilectus etc. Sic etiam apparuit pater filius et spiritus sanctus Abrae quando tres vidit et vnum adorauit.

¶ Tertio quedam est apparitio in qua manifestatur diuina persona non tantum vt operans et etiam inhabitans: sed etiam vt emanans et ab alio veniens. Et sic pater nunquam apparuit quia pater in di uinis a nullo est ergo a nullo mittitur. Sed vt sic filius et spiritus sanctus in nouo testamento apparuerunt. In vereri testamento autem filius non ap paruit vt inhabitans sed vt inhabitaturum se praemonstrans id est incarnandum ideo pro illo tempore non dicitur missus filius: sed tantummodo in nouo testamento Gal. iiii. At vbi venit pleni tudo temporis misit deus filium etc. Item spiritus sanctus in vereri testamento licet apparuerit pluries sanctis loquens patribus per angelos in prophetis Similiter et filius et pater sed tamen spiritus sanctus apparuit non vt in omnimoda plenitudie gratie redundantis per totum mundum inhabitans: quia secundum quod Rich. e. dist. xvi. q. ii Ac Lyra dictant pa tres vereris testamenti quamuis habuerint plenitudinem spiritus sancti ad sufficientiam sanctificatio nis in se et etiam ad aliquam redundantiam in alios sed non ad tamplenariam redundantiam sicut in nouo testamento. Ideo scribitur Ioam. vii. Nondum est spiritus sanctus datus scilicet tanta plenitudine. quia nondum erat iesus glorificatus. Hinc est quod pro illo tempore vereris testamenti nec filius nec spiritus sanctus dicitur missus visibiliter. vt dicit Augustinus iiii. de trinitate. Et etiam protunc quando le gitur deus apparuisse patribus et prophetis non per seipsum deus apparuit sed per angelos in figuris et creaturis illis. Ut probat idem Augustinus iii de trinitate dicit. Constat firmitate autoritatis et probabilitate rationis cum antiquis patribus deus di citur apparuisse: voces illas ab agelis factas esse. Propterea Gal. iii. Et Heb. ii apostolus dicit quod lex ordinata est per angelos etc.

¶ De apperitione plura vbi Hissio.