Abel

Abel secundum Hieronymum de interpreta. nomen hebraicorum interpretatur luctus. Hic fuit primus iustorum in mundo a quo incepit ecclesia sancta: vt dicetur infra vbi Cain.

¶ Sed queritur hoc Quomodo in Abel et consequenter in omnibus bonis claruit mira dei bonitas: Respondetur secundum theol. doct. Primo notando pro praeambulo Quod sicut dicit Aureolus in compendio theologice veri. summe bonitatis triplex est effluxio. Una per generationem. scilicet filii dei. Secunda per spirationem scilicet spiritus sancti. Et iste sunt eterne. Tertia est per creationem scilicet rerum mundi totius. et ista est ex tempore. Nimirum vt dicitur libro de causis: quadruplex bonitas essentialis effluit rebus creatis a summo bono. videlicet esse: viuere: sentire: intelligere. Et secundum hos gradus omne ens est bonum. Sed vltra hec rationalis creatura participare habet a deo maxima bona videlicet gratie et glorie. quibus perfectam habet similitudinem divine bonitatis. horum carentia est ex defectu et malicia voluntatis creature: et ideo dicitur mala: vt patet de diabolo et malis hominibus: licet bonitate entis sint bona.

¶ Secundo ergo ad quaesitum Dicendum quod in Abel primo iusto maxima dei bonitas claruit praecipue tripliciter Primo in diuina acceptatione et gratiae infusione. Unde Gen. iiii. dicitur. "Respexit dominus ad Abel et ad eius bonitatem: et propterea ad munera eius. Ad Cain autem et ad munera eius non respexit". Sic est et de aliis bonis et malis. Psalmus Oculi domini super iustos: et autem in prae. et Uultus autem domini super fa. mala: vt perdat de terra etc. Secundo in christi conformatione et incorporatione. quia vt dicit Greg. in Homels. "omnes iusti sunt membra christi et mali sunt membra diaboli". Item Augustinus Christus in Abel occisus est a fratre scilicet iudaico populo: et in prophetis exhonoratus. Tertio in vtilitatis largitione et retributione tam in praesenti quam in beata praemiatione. quia vt Chrys. super Matth. dicit Omnia bona scilicet quo dedit deus a principio et dat mundo: non nisi propter iustos dat sed omnia flagella non nisi propter pectores. sed in istis eos non separat: ne peccatores desperent et iusti glorientur hoc: maxime cum malis bona non prosunt. quia male viuentes ad iudicium suum percipiunt. Nec bonis mala nocent: sed magis prosunt ad iusticie lucrum. "Nam diligentibus deum omnia cooperantur in bonum" Rho. viii. Ex quibus patet quod deus nec diem nec motum celi nec quicquam boni daret: imo nec mundum creasset: nisi quia sciuit fore bonos. Nam et diluuio peremit omnes malos. Unde Ansel. de simili. xx. dicit quod bonitas hominis omni creature est vtilis. et per oppositum malicia omnim creaturarum est offensiua. quia offenso creatore: offenditur omnis creatura.

¶ Ad hec etiam vbi Beniuolentia.

¶ De Abel plura vide vbi Cain. §. pluribus.

¶ Quod in omni actione dei commendatur eius summa bonitas: patet ex subscriptis.