Prologus

¶ In nomine patris et filii et spiritus sancti Amen. Ad eiusdem dei et domini Iesu gloriam atque benedicte eius genitricis virginis Marie laudem: nec non seraphici patris nostri Francisci: omniumque beatorum honorem Incipit Liber quartus Rosarii aurei Theologie.

Prologus Cum deus sit summe bonum et ineffabilis in essencia sua exuperans omnem humani et etiam angelici sensus naturalem intelligentiam: Ideo ipse diues in misercordia per spiritum sanctum dignatus est nobis reuelare: quo inspirati locuti sunt sancti dei homines. Ex quorum sermonibus Magister recollectis tractat in primo li. sen. de ipsius essentia primi principii ac proprietatibus eius: vt pote de personarum distinctione in vnitate substantie. Et sicut idem deus est rerum omnium principium rector et gubernator illorum sicut pulcre designatur in li. ii. sic est refectiuum in redemptione: sicut patuit li. iii. Ita est et perfectiuum in retributione: vt patebit in isto quarto (deo concedenum) Celestis siquidem medicus humanum genus tali modo reparauit sicut oportune competebat egrotant: egritudini et occasioni egrotandi: et ipsius egritudinis curationi. Egrotus enim erat homo: morbus vero peccatum originale: origo vero illius peccati licet principalius fuerit ex consensu rationis: occasionem tamen sumpsit ex sensibilibus carnis. Christus enim verbum praesens cum sit summe ueritatis: summe bonitatis: summe virtutis ratione summe bonitatis promisit praemia beatificantia: ratione summe veritatis dedit praecepta dirigentia: ratione virtutis instituit sacramenta adiuuantia: vt per sacramenta reperetur virtus ad implenda praecepta: et per praecepta perueniatur ad premia. Ad hoc quidem vt medicina responderet morbo oportuit quod non tantum esset spiritualis sed aliquid haberet de sensibilibus signis: vt sicut sensibilia fuerunt homini occasio labendi: ita esset ei occasio resurgendi. Ideo christus deus noster remedia sacramentalia instituit in verbis inuisibilibus: et elementis id est signis visibilibus de quibus in hoc quarto secundum ordinem Alphabeti sicuti in prioribus libris vtcumque tractabitur. Cuius quidem libri tractatui consonat illud quod Ecci. xxxvi. sapiens deprecabatur di. Innoua signa immuta mirabilia glorifica manum: et brachium dextrum: excita furorem: et effunde iram. In quibus quattuor tanguntur. Primo sacramentorum noue legis institutio et veterum euacuatio: cum dicitur Inmoua signa. Secundo generalis omnium resurrectio cum dicitur: et immuta mirabilia. Mirabilius enim opus faciet deus in mortuorum omnium resurrectione quam modo sit hominum generatio. Tertio simul electorum resurrectio et glorificatio: cum dicitur Glorifica manum et brachium dextrum. Quarto reproborum resurrectio et damnatio: cum dicitur: excita furorem: et effunde iram. Per innouationem enim signorum intelligitur institutio nouorum sacramentorum noue legis: quae sunt signa virtute medicinalia et mirabilia. De quibus potest exponi illud Exodi. xxxiiii. Signa faciam quae nunquam sunt visa super terram nec vllis gentibus. In gente enim iudeorum non erant talia signa visa: quia illa solum praefigurabant ista: vnde lex vetus secundum Apostolum: nil ad perfectum adduxit. sed gratia et veritas quae per Iesum christum facta est. Et quia talia signa cum sint medicinalia et mirabilia: ideo dicunt suscipi et praedicari cum reuerentia: vt vnusquisque illud Dan. iii. dicat: Placuit mihi praedicare eius signa quia magna sunt Que quidem instituit christus ad euacuandum veteris le. imperfectionem: et propter promissorum adimpletionem: et legis faciliorem obseruationem: quia gratiam conferunt per quam legis mandata faciter implentur. Ea propter ad nonnullorum auisationem in scribendo inter prolixitatem et brevitatem studui medium tenere vt et minus exercitatis non esset difficilis: et etiam bene doctis vsquequaque non foret despicabilis: dum sensus roseis floribus et aurea luce rutilantibus inuenirentur prulchre referti tanquam flosculis nouarum rerum conspicui: sanctorum videlicet doctorum Bonauenture Thome ac Richardi potissime subtilitatibus Scoti lucubrati: necnon aliorum.

¶ Finit Prologus.