Quaesito 79

ARTICULUS PRIMUS UTRUM DEUS SIT CAUSA PECCATI

AD PRIMUM SIC PROCEDITUR. Videtur quod Deus sit causa peccati. Dicit enim Apostolus, Rom. 1, de quibusdam: Tradidit eos Deus in reprobum sensum, ut faciant ea quae non conveniunt. Et Glossa ibidem dicit quod Deus operatur in cordibus hominum, inclinando voluntates eorum: in. quodcumque voluerit, sive in bonum sive in malum. Sed facere quae non conveniunt, et inclinari secundum voluntatem ad malum, est peccatum. Ergo Deus hominibus est causa peccati.

2. PRAETEREA, Sap. xiv dicitur: Creaturae Dei in odium factae sunt, et in tentationem animae hominum. Sed tentatio solet dici provocatio ad peccandum. Cum ergo creaturae non sint factae nisi a Deo, ut in Primo habitum est, videtur quod Deus sit causa peccati provocans homines ad peccandum.

3. PRAETEREA, quidquid est causa causae, est causa effectus. Sed Deus est causa liberi arbitrii, quod est causa peccati. Ergo Deus est causa peccati,

4. PRAETEREA, omne malum opponitur bono. Sed non repugnat divinae bonitati quod ipse sit causa mali poenae: de isto enim malo dicitur Isaiae xv, quod Deus est creans malum; et Amos iu: Si est malum in civitate quod. Deus & non fecerit? Ergo etiam divinae bonitati non repugnat quod Deus sit causa culpae.

SEp coNTRA, Sap. xi dicitur de Deo 5: Nihil odisti eorum quae fecisti, Odit autem Deus peccatum: secundum illud Sap. xiv: Odio est Deo impius, et impielas eius. Ergo Deus non est causa peccati.

RESPONDEO DICENDUM quod homo dupliciter est causa peccati vel sui vel alterius. Uno modo, directe, inclinando scilicet voluntatem suam vel alterius ad. peccandum. Alio modo, indirecte, dum scilicet non retrahit aliquos a peccato: unde Ezech. ui speculatori ihre Si non vdibirin im- Vers. i8. pio, Morte morieris, sanguinem eius de manu tua requiram. Deus autem non potest esse directe causa peccati vel sui vel alterius. Quia omne peccatum est per recessum. ab ordine qui est in ipsum 1 sicut in finem. Deus autem omnia inclinat et- converut in seipsum sicut in ultimum finem, sicut Dionysius dicit, 1 cap. de. Div. Nom. Unde impossibile est quod sit sibi vel aliis causa discedendi ab ordine qui est in ipsum. Unde non potest directe esse causa peccati. nut:

Similiter etiam neque indirecte. Contingit enim quod Deus aliquibus non praebet auxilium ad vitandum peccata, quod si praeberet, non peccarent. Sed hoc totum facit secundum ordinem suae sapientiae et iustitiae: cum ipse sit sapientia et iustitia. Unde non imputatur ei quod alius peccat, sicut causae peccati: sicut gubernator non dicitur causa submersionis navis ex hoc quod non gubernat navem, nisi quando wat gubernationem potens et debens gubernare. ] sic patet quod Deus nullo modo est causa cati.

AD PRIMUM ERGO DICENDUM quod, quantum - - verba Apostoli, ex ipso textu patet solutio. Si enim Deus tradit aliquos in reprobum sensum, 8 iam ergo reprobum sensum habent ad faciendum ea quae non conveniunt. Dicitur ergo tradere eos in reprobum sensum, inquantum non prohibet eos quin suum sensum reprobum sequantur: sicut dicimur exponere illos quos non tuemur. - Quod autem Augustinus dicit, in libro de Gratia et Libero Arbitrio, unde sumpta est Glossa, quod Deus inclinat voluntates hominum in bonum et malum; | sic intelligendum est quod in bonum quidem directe inclinat voluntatem, in malum autem. inquantum non prohibet, sicut dictum est. tamen hoc etiam contingit ex merito praecedentis peccati.

AD SECUNDUM DICENDUM quod, cuni dicitur: Creaturae Dei factae sunt in odium et in tentationem animae hominum, haec praepositio in non ponitur causaliter, sed. consecutive: non enim Deus fecit creaturas ad malum hominum, sed hoc consecutum est propter insipientiam hominum. Unde subditur: et in muscipulam pedibus insipientium, qui scilicet per suam insipientiam utuntur creaturis ad aliud quam ad quod factae sunt.

AD TERTIUM DICENDUM quod. effectus causae mediae procedens ab ea secundum quod subditur ordini causae primae, reducitur etiam in causam primam. Sed si procedat a causa media secun dum quod exit ordinem causae primae, non reducitur in causam primam: sicut si minister faciat aliquid contra mandatum domini, hoc non reducitur in dominum sicut in causam. Et similiter peccatum quod liberum arbitrium committit contra praeceptum Dei, non reducitur in Deum sicut in causam.

AD QUARTUM DICENDUM quod poena opponitur bono eius qui punitur, qui privatur quocumque bono. Sed culpa opponitur bono ordinis qui est in Deum: unde directe opponitur bonitati divinae. Et propter hoc non est similis ratio de culpa et poena.

ARTICULUS SECUNDUS UTRUM ACTUS PECCATI SIT A DEO

AD SECUNDUM SIC PROCEDITUR. Videtur quod actus peccati non sit a Deo. Dicit enim Augustinus, in libro de Perfectione Iustitiae, quod actus peccati non est res aliqua. Omne autem quod est a Deo, est res aliqua. Ergo actus peccati non est a Deo.

2. PRAETEREA, homo non dicitur esse causa peccati nisi quia homo est causa actus peccati: tullus enim intendens ad malum operatur, ut Dionysius dicit, 1v cap. de Div. Nom. Sed Deus non est causa peccati, ut dictum est. Ergo Deus non est causa actus peccati.

3. PRAETEREA, aliqui actus secundum suam ps elis sunt mali. et peccata, ut ex supradictis patet. Sed quidquid est causa alicuius, est causa eius. quod. convenit ei secundum suam. speciem. Si ergo Deus esset causa actus peccati, sequeretur quod esset causa peccati. Sed hoc non est verum, ut ostensum est. Ergo Deus non est causa actus peccati.

SED CONTRA, actus peccati est quidam motus liberi arbitrii. Sed voluntas Dei est causa omnium motionum, ut Augustinus dicit, III de 7rin. Ergo voluntas Dei est causa actus peccati,

RESPONDEO DICENDUM quod actus. peccati et est ens, et est actus; et ex utroque habet quod sit a Deo. Omne enim ens; quocumque modo sit, oportet quod derivetur a primo ente; ut patet per Dionysium, v cap. de Div. Nom. Omnís autem actio causatur ab aliquo existente in actu, quia nihil agit nisi secundum quod est actu; omne autem ens actu reducitur in primum actum, scilicet Deum, sicut in causam, qui est per suam essentiam actus. Unde relinquitur quod Deus sit causa omnis actionis, inquantum est actio.

Sed peccatum nominat ens et actionem cum quodam defectu. Defectus autem ille est e causa creata, scilicet libero arbitrio, inquantum deficit ab ordine primi agentis, scilicet Dei. Unde defectus iste non reducitur in Deum sicut in causam, sed in liberum arbitrium: sicut defectus claudicationis reducitur in tibiam curvam sicut in causam, non autem in virtutem motivam, a qua tamen causatur quidquid est motionis in claudicatione. Et secundum hoc, Deus est causa actus peccati, non tamen est causa peccati: quia non est causa huius, quod actus sit cum defectu.

AD PRIMUM ERGO DICENDUM quod Augustinus nominat ibi rem id quod est res simpliciter, scilicet. substantiam. Sic enim actus peccati non est res.

AD SECUNDUM DICENDUM quod in hominem sicut in causam reducitur non solum actus, sed etiam ipse defectus: quia scilicet nom" subditur ei cui debet subdi, licet hoc ipse non intendat principaliter. Et ideo homo est causa peccati. Sed Deus sic est causa actus, quod nullo modo est causa defectus. concomitantis actum. Et ideo non est causa peccati.

AD TERTIUM DICENDUM quod, sicut dictum est supra, actus et habitus non recipiunt speciem ex ipsa privatione, in qua consistit ratio mali; sed ex aliquo obiecto. cui coniungitur talis privatio. Et:sic ipse. defectus, qui dicitur non esse a Deo; pertinet ad speciem actus consequenter, et non quasi differentia specifica.

ARTICULUS TERTIUS UTRUM DEUS SIT CAUSA EXCAECATIONIS ET INDURATIONIS

AD TERTIUM SIC PROCEDITUR. Videtur quod Deus non sit causa excaecationis et indurationis. Dicit enim Augustinus, in libro Octoginta trium Quaest., quod Deus non est causa eius quod homo sit deterior. Sed per excaecationem et obdurationem fit homo deterior. Ergo Deus non est causa excaecationis et obdurationis.

2. PRAETEREA, Fulgentius dicit quod Deus non est ultor illius rei cuius est auctor. Sed Deus est ultor cordis obdurati: secundum illud Ecc. i: Cor durum male habebit in novissimo. Ergo Deus non est causa obdurationis.

3. PRAETEREA, idem. effectus non attribuitur causis contrariis. Sed causa excaecationis dicitur esse malitia hominis, secundum illud Sap. i, Excaecavit enim eos malitia eorum; et etiam diabolus, secundum illud II ad Cor. iv, Deus huius saeculi excaecavit mentes infidelium; quae quidem causae videntur esse" contrariae Deo. Deus ergo non est causa excaecationis et obdurationis.

SED CONTRA EST quod dicitur Isaiae v1: Excaeca cor populi huius, et aures eius aggrava. Et Ro. ix dicitur: Cuius vult, miseretur; et quem vult, indurat.

RESPONDEO DICENDUM quod excaecatio et obduratio duo important. Quorum unum est motus animi humani inhaerentis malo, et aversi a divino lumine. Et quantum ad hoc Deus non est causa excaecationis et obdurationis, sicut non est causa peccati. Aliud autem est subtractio gratiae, ex qua sequitur quod mens divinitus non illuminetur ad recte videndum, et cor hominis non emolliatur ad recte vivendum. Et quantum ad hoc Deus est causa excaecationis et obdurationis.

Est autem considerandum quod Deus est causa universalis illuminationis animarum, secundum illud Ioan.1, Erat lux vera quae illuminat omnem hominem venientem in hunc mundum, sicut sol est universalis causa illuminationis corporum. Aliter tamen et aliter: nam sol agit illuminando per necessitatem naturae; Deus autem agit voluntarie, per ordinem suae sapientiae. Sol autem, licet quan- tum est de se omnia corpora illuminet, si quod tamen impedimentum inveniat in aliquo corpore, relinquit illud tenebrosum: sicut patet de domo cuius fenestrae sunt clausae. Sed tamen illius obscurationis nullo modo. causa est sol, non. enim suo iudicio agit ut lumen interius non immittat: sed causa eius est solum ille qui: claudit fenestram. Deus autem proprio iudicio lumen gratiae non immittit illis in. quibus obstaculum invenit. Unde causa subtractionis gratiae est non solum ille qui ponit obstaculum gratiae, sed etiam Deus, qui suo iudicio gratiam non apponit. Et per hunc modum Deus est causa excaecationis, et aggravationis aurium, et obdurationis cordis. - Quae quidem. distinguuntur secundum effectus gratiae, quae et perficit intellectum dono sapientiae, et affectum emollit igne caritatis. Et quia ad cogni- tionem intellectus maxime deserviunt duo sensus, scilicet visus et auditus, quorum unus deservit inventioni, scilicet visus, alius disciplinae, scilicet auditus: ideo quantum ad visum, ponitur excaecatio; quantum ad auditum, aurium aggravatio; quantum ad affectum, obduratio.

AD PRIMUM ERGO DICENDUM quod, cum excaecatio et induratio, ex parte subtractionis gratiae, sint quaedam poenae, ex hac parte eis homo non fit deterior: sed deterior factus per culpam, haec incurrit, sicut et ceteras poenas.

AD SECUNDUM DICENDUM quod obiectio illa pel cedit de obduratione secundum quod est culpa.

AD TERTIUM DICENDUM quod malitia est causa excaecationis meritoria, sicut culpa est causa poenae. Et hoc etiam modo diabolus excaecare dicitur, inquantum inducit ad culpam.

ARTICULUS QUARTUS UTRUM EXCAECATIO ET OBDURATIO SEMPER ORDINENTUR AD SALUTEM EIUS QUI EXCAECATUR ET OBDURATUR

AD QUARTUM SIC PROCEDITUR. Videtur quod excaecatio et obduratio semper ordinentur ad salutem eius qui excaecatur et obduratur. Dicit enim Augustinus, in Enchirid., quod Deus, cum sit summe bonus, nullo modo permitteret fieri aliquod malum, nisi posset ex quolibet malo elicere bonum. Multo igitur magis ordinat ad bonum illud malum cuius ipse est est causa. Sed excaecationis et obdurationis Deus est causa, ut dictum est. Ergo haec ordinantur ad salutem eius qui excaecatur vel induratur.

2. PRAETEREA, Sap.1 dicitur quod Deus non delectatur in perditione impiorum. Videretur autem in eorum perditione delectari, si eorum excaecationem in bonum eorum non converteret: sicut medicus videretur delectari in afflictione infirmi, si medicinam amaram, quam infirmo propinat, ad eius sanitatem non ordinaret. Ergo Deus excaecationem convertit in bonum excaecatorum.

3. PRAETEREA, Deus non est personarum acceptor, ut dicitur Act. x. Sed quorundam excaecationem ordinat ad eorum salutem: sicut quorundam Iudaeorum, qui excaecati sunt ut Christo non crederent, et non credentes occiderent, et postmodum compuncti converterentur, sicut de quibusdam legitur Act. 11; ut patet per Augustinum, in libro de Quaest. Evang. Ergo Deus omnium excaecationem convertit in eorum salutem.

SED CONTRA, non sunt facienda mala ut veniant bona, ut dicitur Rom. III. Sed excaecatio est malum. Ergo Deus non excaecat aliquos propter eorum bonum.

RESPONDEO DICENDUM quod excaecatio est quoddam praeambulum ad peccatum. Peccatum autem ad duo ordinatur: ad unum quidem per se, scilicet ad. damnationem; ad. aliud autem ex misericordi Dei providentia $. scilicet ad sanationem, inquantum Deus permittit aliquos cadere in peccatum, ut peccatum suum agnoscentes, h lientur et convertantur, sicut Augustinus dicit, libro de Natura et Gratia. Unde et excaecatio ex sui natura ordinatur ad damnationem eius qui excaecatur, propter quod etiam ponitur reprobationis effectus: sed ex divina misericordia excaecatio ad tempus ordinatur medicinaliter ad salutem eorum qui excaecantur. Sed haec misericordia non omnibus impenditur excaecatis, sed praedestinatis solum, quibus omnia cooperantur in bonum, sicut dicitur Rom. vii. Unde quantum ad quosdam, excaecatio ordinatur ad sanationem: quantum autem ad alios, ad ywperceu iur ut Augustinus dicit, in III de Quaest. Evang.

AD PRIMUM ERGO DICENDUM quod omnia mala quae Deus facit vel permittit fieri, ordinantur in aliquod bonum: non tamen semper in bonum eius in quo est malum, sed quandoque ad bonum alterius, vel etiam totius universi. Sicut culpam tyrannorum ordinavit ' in bonum martyrum; et poenam damnatorum ordinat in gloriam suae iustitiae.

AD SECUNDUM DICENDUM quod Deus non delectatur in perditione hominum quantum ad ipsam perditionem: sed ratione suae iustitiae, vel propter bonum quod inde provenit.

AD TERTIUM DICENDUM quod hoc quod Deus aliquorum excaecationem ordinat in eorum salutem, misericordiae? est: quod autem excaecatio aliorum ordinetur ad eorum damnationem, iustitiae est. Quod autem misericordiam quibusdam impendit et non omnibus, non facit personarum acceptionem in Deo, sicut in Primo dictum est.

AD QUARTUM DICENDUM quod mala culpae non sunt facienda ut veniant bona: sed mala poenae sunt inferenda propter bonum.