Quaestio 103

ARTICULUS PRIMUS UTRUM HONOR IMPORTET ALIQUID CORPORALE

AD PRIMUM SIC PROCEDITUR. Videtur quod honor non importet aliquid corporale. Honor enim ex exhibitio reverentiae in testimonium virtutis: ut potest accipi a Philosopho; in I Ethic. Sed exhibitio reverentiae est aliquid spirituale: revereri enim est actus timoris, ut supra habitum est. Ergo honor est aliquid spirituale.

2. PRAETEREA, secundum Philosophum, in IV Ethic., honor est. praemium virtutis. Virtutis au- tem, quae principaliter in spiritualibus consistit, praemium non est aliquid corporale: cum prae- mium sit potius merito. Ergo honor non con- sistit in corporalibus.

3. PRAETEREA, honor a laude distinguitur, et. etiam a gloria. Sed laus et gloria in exterioribus bd consistunt. Ergo honor consistit in interioribus - et. spiritualibus.

SEp coNTRA EsT quod Hieronymus, exponens illud I ad Tim. v, Qui bene praesunt presbyteri duplici honore 8 etc., dicit: Honor in praesentiarum vel pro eleemosyna, vel pro munere accipitur. Utramque autem horum ad corporalia pertinet. Ergo honor in corporalibus consistit.

REsPONDEO DICENDUM quod honor testificationem quandam importat de excellentia alicuius: unde homines qui volunt honorari, testimonium suae excellentiae quaerunt, ut per Philosophum patet, in I et VIII Ethic. Testimonium autem redditur vel coram Deo, vel coram hominibus, Coram Deo quidem, qui inspector est cordium, testimonium conscientiae sufficit. Et ideo a honor quoad Deum potest consistere in. solo interiori motu cordis: dum scilicet aliquis. recogitat vel Dei excellentiam, vel etiam alterius hominis coram Deo. - Sed quoad homines aliquis non potest testimonium ferre nisi per aliqua signa exteriora: vel verborum, puta cum aliquis ore pronuntiat excellentiam 'alicuius; vel factis, sicut inclinationibus, obviationibus, et aliis huiusmodi; vel etiam exterioribus rebus, puta in exenniorum vel? munerum oblatione, aut imaginum institutione, vel aliis huiusmodi, Et secundum hoc, honor in signis exterioribus et corporalibus consistit.

AD PRIMUM ERGO DICENDUM quod. reverentia non est idem quod honor: sed ex una parte est principium motivum ad honorandum, inquantum Scilicet,aliquis ex reverentia quam habet ad aliquem, eum honorat; ex alia vero parte est honoris finis, inquantum scilicet aliquis ad hoc honoratur ut in reverentia habeatur ab aliis.

AD SECUNDUM DICENDUM quod, sicut Philosophus ibidem dicit, honor non est sufficiens virtutis praemium, sed nihil potest esse in humanis rebus et. corporalibus maius honore: inquantum scilicet ipsae corporales res sunt signa demonstrativa excellentis virtutis. Est autem debitum bono et pulchro ut manifestetur: secundum illud Matth. v: Neque accendunt lucernam et ponunt eam sub modio: sed super candelabrum, ut luceat omnibus qui in domo sunt: Et pro tanto praemium. virtutis dicitur honor.

AD TERTIUM DICENDUM quod laus distinguitur ab honore dupliciter. Uno modo, quia laus consistit in solis signis verborum: honor autem in quibuscumque exterioribus signis. Et. secundum hoc, laus in honore includitur. - Alio. modo, quia per exhibitionem honoris testimonium reddimus de excellentia bonitatis alicuius. absolute: sed per laudem testificamur de bonitate alicuius in ordine ad finem, sicut laudamus bene operantem propter finem; honor autem est etiam optimorum, quae non ordinantur ad finem, sed iam sunt in fine; ut patet per Philosophum, in, I Ethic.

Gloria autem est effectus honoris et laudis. Quia ex hoc quod testificamur de bonitate alicuius, clarescit eius bonitas in notitia plurimorum. Et hoc importat nomen gloriae: nam gloria dicitur quasi claria. Unde Rom. 1, dicit quaedam glossa Ambrosii quod gloria est clara cum laude notitia

ARTICULUS SECUNDUS UTRUM HONOR PROPRIE DEBEATUR SUPERIORIBUS

AD SECUNDUM SIC PROCEDITUR. Videtur quod honor non proprie debeatur superioribus. Angelus enim est superior quolibet homine viatore: secundum illud Matth. xi: Qui minor est in regno caelorum, est maior loanne Baptista. Sed angelus prohibuit Ioannem volentem se honorare, ut patet Apoc. ult. Ergo honor non debetur superioribus.

2. PRAETEREA, honor debetur alicui in testimonium virtutis, ut dictum est. Sed quandoque contingit quod superiores non sunt virtuosi. Ergo eis non debetur honor. Sicut nec daemonibus, qui tamen superiores sunt nobis ordine naturae.

3. PRAETEREA, Apostolus dicit, Rom. xi: "Honore invicem praevenientes". Et I Pet. i: "Omnes honorate". Sed hoc non esset servandum si solis superioribus honor deberetur. Ergo honor non debetur proprie superioribus.

4. PRAETEREA, Tobiae 1 dicitur quod "Tobias habebat decem talenta ex his quibus erat honoratus a rege. Legitur etiam Esther vi, quod Assuerus honoravit Mardochaeum, et coram eo fecit clamari: Zoc honore dignus est quem rex honorare voluerit. Ergo honor exhibetur etiam inferioribus. Et ita non videtur quod honor proprie superioribus debeatur.

SEp cowTRA EsT quod Philosophus dicit, in I Ethic., quod honor debetur optimis.

RESPONDEO DICENDUM quod, sicut dictum est, honor nihil est aliud quam quaedam protestatio de excellentia bonitatis alicuius. Potest autem alicuius excellentia considerari non solum per comparationem ad honorantem, ut scilicet sit excellen- tior eo qui honoratur: sed etiam secundum se, vel per comparationem ad aliquos - alios. Et. cundum hoc, honor semper debetur alicui pi aliquam excellentiam vel superioritatem.. enim oportet ums ile qui honoratur Sit exc lentior etiam ipso honorante quantum. ad aliquid, et non | simpliciter.

AD PRIMUM ERGO DICENDUM quod angelus prohibuit loannem non.a quacumque honoratione, se ab honoratione adorationis latriae, quae debe etur. Deo. - Vel etiam ab honoratione tulo ut ostenderet ipsius Ioannis dignitatem, qua per Christum erat angelis adaequatus, secundum spem gl v filiorum Dei. Et ideo nolebat ab eo dem tanquam superior.

AD SECUNDUM DICENDUM quod si praelati sunt mali, non honorantur propter excellentiam pro 0priae virtutis, sed propter excellentiam dignitatis secundum quam sunt Dei ministri. Et in eis etiam honoratur tota communitas, cui praesunt. - mones autem sunt irrevocabiliter mali: et C EX inimicis habendi magis quam honorandi.

AD TERTIUM DICENDUM quod in quolibet invenitur aliquid ex quo potest aliquis eum superiorem reputare: secundum illud Philipp. II: "In humilitate superiores invicem arbitrantes". Et secundum etiam omnes se invicem debent honore: praevenire.

AD QUARTUM DICENDUM quod privatae personae interdum honorantur a regibus, non quia sint eis superiores secundum ordinem dignitatis, sed propter aliquam excellentiam virtutis ipsarum. secundum hoc honorati sunt Tobias et Mardochaeus a regibus.

ARTICULUS TERTIUS UTRUM DULIA SIT SPECIALIS VIRTUS A LATRIA DISTINCTA

AD TERTIUM SIC PROCEDITUR. Videtur quod dulia non sit specialis virtus a latria distincta. Quia super illud Psalm., Domine Deus meus, in te speravi, ' dicit Glossa: Domine omnium per potentiam, cui de-: betur dulia: Deus per creationem, cui debetur latria. Sed non est distincta virtus. quae ordinatur in Deum secundum quod est Dominus, et secundum quod est Deus. Ergo dulia non est virtus distincta a latria.

2. PRMEHAEE, secundum Philosophum, in VIII Ethic., amari simile est ei quod est honorari. Sed eadem est virtus caritatis qua amatur Deus, et qua amatur proximus. Ergo dulia, qua honoratur proximus, non est alia virtus a latria, qua honoratur Deus.

3. PRAETEREA, idem est motus quo aliquis movetur in imaginem, et in rem cuius est imago. Sed per duliam honoratur homo inquantum est ad Dei imaginem: dicitur enim Sap. u de impiis quod non iudicaverunt honorem animarum sanctarum: quoniam Deus creavit hominem inexterminabilem, et ad imaginem suae similitudinis fecit illum. Ergo dulia non est alia virtus a latria, qua honoratur Deus.

SED coNTRA EsT quod Augustinus dicit, X de Civ. Dei, quod alia est servitus quae debetur hominibus, secundum quam praecepit Apostolus servos dominis suis subditos esse, quae scilicet graece dulia dicitur: alia vero latria, quae dicitur servitus pertinens ad colendum Deum.

RESPONDEO DICENDUM quod, secundum ea quae supra dicta sunt, ubi est alia ratio debiti, ibi necesse est quod sit alia virtus quae debitum reddat. Alia autem ratione debetur servitus Deo, et homini: sicut alia ratione dominum esse competit Deo, et homini. Nam Deus plenarium et principale dominium habet respectu totius et cuiuslibet creaturae, quae totaliter eius subiicitur potestati: homo autem participat quandam similitudinem divini dominii, secundum quod habet particularem potestatem super aliquem hominem vel super aliquam creaturam. Et ideo dulia, quae debitam servitutem exhibet homini dominanti, alia virtus est a latria, quae exhibet debitam servitutem divino dominio. Et est quaedam observantiae species. Quia per observantiam honoramus quascumque personas dignitate praecellentes: per duliam autem proprie sumptam servi suos dominos venerantur; dulia enim graece servitus dicitur.

AD PRIMUM ERGO DICENDUM quod sicut religio per excellentiam dicitur pietas, inquantum Deus est per excellentiam Pater; ita etiam latria per excellentiam dicitur dulia, inquantum Deus excellenter est Dominus. Non autem creatura participat potentiam creandi, ratione cuius Deo debetur latria. Et ideo glossa illa distinxit, attribuens latam Deo secundum creationem, quae creaturae non communicatur; duliam vero secundum dominium, quod creaturae communicatur.

AD SECUNDUM DICENDUM quod ratio diligendi proximum Deus est, non enim diligimus per caritatem in proximo nisi Deum: et ideo eadem caritas est qua diligitur Deus, et proximus. Sunt tamen aliae amicitiae, differentes a caritate, secundum alias rationes quibus homines amantur. Et similiter, cum sit alia ratio serviendi Deo et homini, aut honorandi utrumque, non est eadem virtus latria et dulia.

AD TERTIUM DICENDUM quod motus qui est in imaginem inquantum est imago, refertur in rem cuius est imago: non tamen omnis motus qui est in imaginem est in eam inquantum est imago. Et ideo quandoque est alius specie motus in imaginem, et motus in rem. Sic ergo dicendum est quod honor vel subiectio duliae respicit absolute quandam hominis dignitatem. Licet enim secundum illam dignitatem sit homo ad imaginem vel similitudinem Dei, non tamen semper homo, quando reverentiam alteri exhibet, refert hoc actu in Deum.

Vel dicendum quod motus qui est in imaginem quodammodo est in rem: non tamen motus qui est in rem oportet quod sit in imaginem. Et ideo reverentia quae exhibetur alicui inquantum est ad imaginem ^, redundat quodammodo in Deum: alia tamen est reverentia quae ipsi Deo exhibetur, quae nullo modo pertinet ad eius imaginem.

ARTICULUS QUARTUS UTRUM DULIA HABEAT DIVERSAS SPECIES

AD QUARTUM SIC PROCEDITUR. Videtur quod dulia habeat diversas species. Per duliam enim exhibetur honor proximo. Diversa autem ratione honorantur diversi proximi, sicut rex, pater et magister: ut patet per Philosophum, in IX Ethic. Cum ergo diversa ratio obiecti diversificet speciem virtutis, videtur quod dulia dividatur in virtutes specie differentes.

2. PRAETEREA, medium differt specie ab extremo: sicut pallidum ab albo et nigro. Sed. hyperdulia videtur esse medium ? inter latriam et duliam: exhibetur enim creaturis quae habent specialem affinitatem ad Deum, sicut Beatae Virgini inquantum est mater Dei. Ergo videtur quod - duliae sint species differentes: una quidem dulia simpliciter, alia vero hyperdulia.

3. PRAETEREA, sicut in creatura rationali invenitur imago Dei, ratione cuius honoratur, ita etiam in creatura irrationali invenitur vestigium Dei. Sed alia ratio similitudinis importatur in nomine imaginis, et in nomine vestigi. Ergo etiam oportet secundum hoc diversas species du- | liae attendi: praesertim cum quibusdam .irratio- | nabilibus Y creaturis honor exhibeatur, sicut Ji-. gno sanctae Crucis, et aliis huiusmodi.

SED CONTRA EST quod dulia contra latriam. dividitur. Latria autem non dividitur per dives species. Ergo nec dulia.

RESPONDEO DICENDUM quod dulia potest accipi dupliciter. Uno modo, communiter, secundum quod exhibet reverentiam cuicumque homini, ratione cuiuscumque excellentiae. Et sic continet sub se pietatem et observantiam, et quamcumque huiusmodi virtutem quae homini reverentiam exhibet. Et secundum hoc habebit partes specie diversas.

Alio modo potest accipi stricte, prout secundum eam servus reverentiam exhibet domino: nam dulia servitus dicitur, ut dictum est. Et secundum hoc non dividitur in diversas species, sed est una specierum observantiae, quam Tullius ponit: eo quod alia ratione servus reveretur dominum, miles ducem, discipulus magistrum, et sic de aliis huiusmodi.

AD PRIMUM ERGO DICENDUM quod ratio illa procedit de dulia communiter sumpta.

AD SECUNDUM DICENDUM quod hyperdulia est potissima species duliae communiter sumptae. Maxima enim reverentia debetur homini ex affinitate quam habet ad Deum.

AD TERTIUM DICENDUM quod creaturae irrationali in se consideratae non debetur ab homine aliqua subiectio vel honor: quin potius omnis talis creatura est naturaliter homini subiecta. Quod autem crux Christi honoretur, hoc fit eodem honore quo Christus honoratur: sicut purpura regis honoratur eodem honore quo rex, ut Damascenus dicit, in IV libro.