Quaestio 5

CIrca eandem distin. quero quatuor questiones.

¶ Primo vtrum illa eadem que conueniunt cor pori christi in celo conueniant sibi: vt in sacramento.

¶ Et videtur quod sic. quia di¬ cit Ambrosius de sacramentis quod illud idem corpus quod christus posuit ad dexteram patris ponit in hoc sacramento. ergo eadem conueniunt sibi. hic et ibi.

¶ Contra. apostolus dicit quod sedet ad dexteram maiestatis in excelsis. sed vt hic non est in excelsis. ergo aliqua conueniunt sibi in celo quae non hoc.

hic primo videndum est. qua conueniunt enim de facto

¶ 2o de possibili

¶ Circa primum sciendum quod quatuor modis potest conuenire aliquod praedicatum alicui. vel per se in primo modo: vel in secundo modo vel per accidens: sicut inferius suo superiori: vel sicut accidens suo subiecto. certum est quod quicquid conuenit ei in primo modo hic conuenit ibi. quia vbi est inuenire diffinitum et diffinitionem. sed hic est corpus christi vere et realiter quantum ad ista. ergo etc.

¶ De 2o etiam non est dubium. Quia quaecum que passiones insunt conueniunt ei ibi et hic: quia per diffinitiones passiones demonstrantur.

¶ 3o non est dubium de primo modo per acci dens. eadem enim singularitate determinatur corpus christi hic et ibi: et eadem actuali existentia.

¶ De 4o autem maxime est dubium. et hoc est subdiuidendum. Quia quedam sunt accidentia inseparabilia et absoluta. alia separabilia et absoluta. alia respectiua intrinseca. alia respectiua extrinseca. verbi. gratia christus in celo habet dotes inseparabiles per naturam. alia sunt separabilia sicut audire et videre. De respectis etiam patet. sicut filiatio et similitudo quae sunt intrinsecus aduenientia et extrinsecus accidentia euenientia. sicut esse praesentem in celo et mouere localiter et huiusmodi.

¶ Secundum hec ergo pono quatuor conclusiones.

¶ Prima est quod omnia accidentia inseparabilia quae insunt christo in celo insunt enim hic. quia impossibile est simul inesse eidem priuatiue opposita. sed hoc sequeretur nisi hoc poneretur et hoc et praecedunt vbi. ergo etc.

¶ Secunda conclusio quod eodem modo insunt ei omnia accidentia separabilia absoluta. hoc patet per idem: quia priuatiue opposita. Ista etiam praecedunt vbi: quia manent variato vbi inuariabiliter. sicut visio et auditio.

¶ 3a conclusio quod idem est de relationbius intrinsecis. quia sicut ibi est filius ita et hic quia talis relatio inseparabiliter concomitatur subiectum et sequitur ipsum vbique.

¶ Quarta conclusio negatiua de relationibus extrinsecis: vt de vbi et ipsum sequentibus quia corpus christi in celo est im mediate coniunctum celo. non autem vt hic. eodem modo corpus christi vt in altari est hic praesens. non autem vt in celo.

¶ Contra hoc arguitur 4r.

¶ Primo quia non videtur habere dotem agilitatis in hoc sacramento. probo. quia dos agilitatis est qua quis potest se mouere velociter. sed corpus christi in hoc sacramento non potest se mouere: vt postea patebit.

¶ Contra secundam conclusionem arguitur sic impossibile est quod aliquis oculus videat corpus aliquod quando interponitur corpus opacum: sed inter oculum christi in eucharistia. et caelum empyreum est corpus opacum. igitur non habebit istam visionem: vt haec.

¶ Contra tertiam arguitur sic. cuicumque repugnat dispositio ad aliquam formam: et ipsa etiam forma. sed christo vt in sactro repugnat generari simpliciter et habere filiationem.

¶ Contra quartam. vnio ad verbum est respectus extrinsecus adueniens. et hanc habet christus hic eodem modo in altari mensuratur euo. quia est incorruptibilis. ergo habet idem quando.

¶ Ad primum dico quod dos est quaedam vis se mouendi sic. que si impeditur non minus dicitur vis haec est impedimentum: quia non est in loco: quod ad hoc requiritur.

¶ Ad 2m dico quod si deus faceret corpus meum vltra parietem viderem ipsum. sed non vt ibi.

¶ Ad 3m. dico quod si repugnat generatio alicui subiecto: et filiatio. sed si aliquid natum est recipere vnam ante aliam conseruabit aliam secundam prima remota. vnde pro vno tempore bene vna repugnat: quando secunda manet.

¶ Ad quartum. non dixi quod omni respectu quem habet in celo christus careat in altari. quia quando et vnio praecedunt vbi. et ideo idem quando potest sibi inesse hic et ibi. et eadem vnio ad verbum. videndum est de possibili. si ista quae insunt ibi Secundo in celo de necessitate isunt hic.

¶ Ubi sciendum quod quatuor modis habet aliquid esse in altari. circum cribendo istum modum quo aliqua sunt ibi ex vi verborum directe. quia aliqua sunt ibi antecedentia ex vi verborum intrinsece aliqua autem extrinsece: aliqua ex concomitantia intrinseca aliqua ex concomitantia extrinseca.

¶ Primo modo sunt ibi illa que conueniunt in primo modo: non tamen explicite: vt substantia et huiusmodi que includuntur in corpore essentialiter. alia autem antecedunt extrinsece: et non extrinsece. sicut sunt raritas et densitas. non enim posset forma corporis esse nisi in debita raritate et densitate. si ergo de necessitate insunt in hoc indiuiduo. videtur quod ex vi verborum: non quod sint de esse corpo ris. sed prerequiruntur. Alia insunt ex concomitantia. quae etiam inessent dato quod non esset in altari: vt beatitudo vel actus beatificus. alia autem ex concomitantia secundaria sicut sunt actus videndi. qui non inessent si non esset nisi haec

¶ Quantum ad duo prima concedo conclusionem affirmatiuam. valet quod ea quae intrinsece insunt non potest deus facere quin insint hic. quia sunt de per se intellectu corporis christi.

¶ De 2o autem membro antecedentis. valet. non intrinsece. dico idem. quia quandocumque sunt aliqua essentialiter ordinata posterius sine prio ri poni non potest. sed iste dispositiones ordine essentiali prece dunt corpus christi: vt corpus christi est.

¶ De tertio dico quod de potentia absoluta potest deus facere actum beatificum non inesse hic. nam praesentialitas quam habet corpus christi ad altare est alia a praesentialitate quam habet ad actum beatificum. quia realiter differunt. ergo etc.

¶ Et confirmatur. quia actus beatificus et corpus christi habent continuitatem et connexionem inter se.

¶ Sed contra dubitatur de illis que insunt et pertinent ad 2m modum. vtrum insint ex vi verborum. Dico quod quia passio idem est realiter cum subiecto sicut transubstantiatio terminatur ad corpus: ita consequenter ad passionem.

¶ Secunda difficultas quia quantitas videtur necessaria dispositio ad corpus christi ex vi ver borum inerit non concomitanter: cuius contrarium dicunt doctores.

¶ Dico quod omnia accidentia que necessario insunt. sunt ex vi verborum: quod melius videtur quam ex concomitantia.

¶ Tertia difficultas de actu videndi: qui non esset hic presens si deus anihilaret corpus christi vt in celo: nunquid corpus christi vt in eucharistia haberet actum videndi.

¶ Dico quod simul anihilaret actum videndi: vt haec: quia non est hic: nisi quia in celo.

¶ Quarta difficultas de actu beatifico. si corpus christi faciat non esse in celo: et remaneat presentialitas actus beatifici in celo.

¶ Dico quod isto actu qui remanet in celo anima erit haec beata. habet enim presentialitatem in celo. sed vt hic non perficiet eam. sed per aliam presentialitatem quam habet hic. prior enim respectus non variatur per vbi. iste autem praesentialitates sunt posteriores.