Articulus 4

¶ Questio prima. PRimo ostendo quod secundum eadem dona sit missio filii et spiritus sancti: quia si aliqua sunt inter se idem represententur per idem: sed filius et spiritus sanctus sunt idem: quia eiusdem substantie sunt. ergo manifestantur per idem donum. secundum ergo idem donum est missio vtriusque.

¶ Item idem donum aliquando appropriatur filio: aliquando spiritui sancto: sicut misericordia. Unde Sacharias eam appropriauit filio: cum dicit Luc. primo per viscera misericordie dei nostri visitauit nos oriens ex alto: sed persona diuina mittitur cum dono sibi appropriato. ergo secundum idem donum mittitur filius et spiritus sanctus.

¶ Item in omni dono creato est vestigium trinitatis scilicet modus species et ordo: sed modus representat deum in ratione cause efficientis: in quo representat dei potentiam. que patri appropriatur: species deum in ratione cause exemplaris in quo representat sapientiam que appropriatur filio. Ordo representat deum in ratione cause finalis: in quo representat bonitatem que appropriatur spiritui sancto. Quodlibet ergo donum creatum quod potest vni persone appropriari: potest etiam appropriari et alii. ergo secundum omne donum secundum quod mittitur spiritus sanctus: mittitur filius et econuerso.

Contra quedam dona appropriantur vni persone que non appropriantur alii: sicut sapientia filio. clementia spiritui sancto. ergo cum missio sit persone emanantis per effectum sibi appropriatum manifestatio secundum aliquod donum mittitur secundum quod non mittitur spiritus sanctus et eonuerso.

¶ Item scriptura secundum aliquos effectus dicit mitti spiritum sanctum visibiliter secundum quos non dicit mitti filium sicut in specie ignis. Acti. 2. in flatu. Io. 20. in specie columbe. Matth. 3. et Luce. 3. ergo similiter in missione inuisibili secundum aliqua dona mittitur spiritus sanctus secundum que non mittitur filius.

Respondeo quod missio est persone emanantis per effectum sibi appropriatum manifestatio. Per effectum dico qui effectus secundum id quod est persone appropriatum specialiter. Et ideo cum sint quedam. dona que specialiter appropriantur filio: sicut dona illumi natiua. et quedam que appropriantur spiritui sancto: sicut dona inflammatiua: ideo secundum aliqua dona dicitur mitti filius secundum que dona non dicitur mitti¬. spiritus sanctus: et econuerso. Ad primum in oppositum dico quod quamuis filius et spiritus sanctus idem sunt in essentia. tamen quia persone distincte sunt. ideo aliquod donum secundum id quod est magis est natum ducere intellectum in cognitionem proprietatis vnius persone quam alterius. et ideo magis appropriatur vni quam alii.

¶ Ad 2m dico quod si aliquod donum secundum aliquam rationem approprietur alicui persone: et secundum id quod est approprietur alii. secundum illud donum non dicitur mitti proprie nisi illa persona cui donum secundum id quod est appropriatur nisi multum extendendo nomen missionis. et si est aliquod donum quod secundum id quod est non magis appropriatur filio quam spuisancto quamuis secundum vnam rationem posset vni appropriari. tunc forte secundum illud donum non diceretur aliqua persona distincte mitti.

¶ Ex dictis patet responsio ad 3m: quamuis enim dona inflammatiua ratione modi representent patre: ratione speciei filium: ratione ordinis spritum sanctu: tamen secundum id quod sunt specialius representant personam spiritus sancti quam filii propter maiorem apparentiam similitudinis eorum ad personam spritus sancti quam ad personam filii: ideo secundum illa dona magis dicitur mitti spiritus sanctus quam filius.

¶ Questio. II. SEcundo queritur. Utrum vni persone conueniat mitti sine alia. Et videtur quod sic. quia potest esse noua scientificatio sine noua illuminatione et noua illuminatio sine noua scintificatione. ergo cum illuminatio approprietur filio et scintificatio spiritui sancto: videtur quod vnus aliquando mittatur sine alio.

¶ Item vna persona potest mitti visibiliter sine alia. Unde per incarnationem dicitur fuisse missus filius non spiritus sanctus: et per flatum spiritus sanctus non filius. ergo similiter vnus potest inuisibiliter mitti sine alio.

¶ Item alia est notio filii: alia notio spiritus sancti. ergo cum res possit cognosci per suam notionem potest cognosci sptussanctus sine filio. et econuerso. Sed secundum Aug. 4. de trinitate. c. pentui. mitti est cognosci esse ab alio. ergo potest mitti filius sine spiritusco.

Contra spiritus sanctus semper mittitur cum gratia: secundum nunquam datur gratia quin detur sapientia: nec sapientia cara quin detur gratia. ergo cum sapientia approprietur filio. gratia spiritui sanctonunquam mittitur spiritus sanctus sine filio nec econuerso.

Respondeo quod missione improprie dicta: et secundum quid que est secundum aliquod donum gratiae gratis date non gratum facientis missus est aliquando inuisibiliter spiritus sanctus et non filius et econuerso. Sed loquendo de missione proprie dicta que est missiosimpliciter: per quam vere et simpliciter datur persona que mittitur: cum talis missio non possit esse sine charitate: et cum habitu charitatis semper infundatur a deo aliquis illuminatiuus habitus vel eius augmentum: qui habitus illumi natiuus appropriatur filio sicut charitas spiritui sancto nunquam mittitur filius quin mittatur spiritus sanctus et econuerso.

Ad primum in oppositum dico quod si intelligatur de illuminatione secundum quam simpliciter mittitur filius. sic dico quod maior argumti falsa est. quantum ad vtramque partem copulatiue: quia talis illuminatio non datur de nouo sine noua sanctificatione: vel eius augmento. Et constat etiam quod non datur noua sanctificatio sine noua illuminatione.

¶ Ad 2m cum dicitur quod vna persona potest visibiliter mitti sine alia etc. Dico quod non est simile de missione visibili et inuisibili: quia non est tanta connexio in effectibus exterioribus: sicut in gratuitis habitibus et formatis qui conectuntur in charitate.

¶ Ad 3m cum dicitur quod potest cognosci filius sine spiritu sancto: et econuerso. tunc dico quod cognitione formata et habituali non cognoscitur vnus sine alio: quia sic cognitio eorum conexa est in charitate. et de tali cognitione intelligi debet verbum August. cum dicit. Quod mitti est cognosci esse ab alio.

¶ Argumentum ad partem aliam procedit de missione proprie et simpliciter dicta.