Circa litteram

CIrca litteram sanctus est vespere et mane dies vnus id est primo factum est vespere: et postea mane. Et sic completus est dies vnus: dies scilicet naturalis: qui comprehendit diem artificialem et noctem. Sed denominatur a parte digniori. de preiacenti materia formaliter factum est vt lux esset id est de preiacenti materia aliqua forma: quamuis incomplete informata facta est illa lux: vel per hoc quod data est alicui parti materie preiacenti aliqua forma lucis: quamuis incompleta facta est illa pars materie lucida. Ante lucem nec dies fuit nec nox: licet tempus fuerit. Negatio enim lucis non facit noctem: sed priuatiolucis in nostro hemisperio propter terre oppositionem. Dies diuersis modis accipitur in scriptura. Uno modo prolumine in aere: et sic est nomen qualitatis. Alio modo pro spatio 24. horarum. et sic est nomen quantitatis. Nec est intelligendum quod semper dies naturalis habeat 24. horas. precise: ita vt nec plus nec minus quantuncumque modicum. Quia certa demonstratione ostenditur dies naturales esse inequales propter obliquitatem 3odiaci: et proprium motum solis sub 3odiaco. Quia tamen illa inequalitas est valde modica et insensibilis: ideo quilibet dies naturalis dicitur habere. 24. horas. Et nota quod dies naturalis a variis sumit exordia diuersa: vnde versus. Mane diem greci: gens incipit astra sequentes: In medio lucis: iudeus vespere facta: Inchoat ecclesia medio sub tempore noctis. Fuit nox illo triduo omnino tenebrosa: secuet quia non illustrabitur aliquo lumine lune vel syderum. Si enim causa eius pater est. causam ibi accipit communiter extendendo nomen cause: ad nomen principii: quia cum causa sit ad cuius sequitur aliud proprie loquendo de causa: pater non debet dici causa filii: sed principium.